WATUKAQ KUTINËKIPAQ
9 KAQ YACHAKUNËKIPAQ
Entiendita procurë
Bibliachö kënö ninqanman pensë: “Kushikoqkunawan kushikuyë, y waqaqkunawan waqayë” (Rom. 12:15).
¿Imatataq Jesus rurarqan?
1. VIDEUTA rikë o Marcus 6:30 a 34 ninqanta leyi. Tsëpitana këkunaman pensë:
¿Imanirtan Jesuswan apostolninkunaqa “japallankunalla kayänampaq tsunyaq sitiuta” ëwakuyarqan?
¿Imanirtan Jesusqa mëtsika nunakunata imëkata yachatsirqan?
¿Imatataq yachakuntsik Jesus ruranqampita?
2. Nunakuna imata wanayanqanta, imanö pensayanqanta y imanö sientikuyanqanta entiendita procurarqa, manam yachatsita munanqantsikllatatsu rikätsikushun, sinöqa pëkunapaq yarpachakunqantsiktapis rikätsikushunmi.
Jesus ruranqannö rurë
3. Shumaq wiyë. Parlakamunanta dejë y manaraq parlar ushaptinqa ama parlëtsu. Imata ninqëkiwampis mana acuerdu kaptinqa o imanö sientikunqanta o imapaq yarpachakunqanta willashuptikiqa, ama mana kaqpaq churëtsu. Shumaq wiyaptikiqa, imata pensanqanta rasumpa musyëta munanqëkitam rikanqa.
4. Watukanqëki nunaman pensë. Imakunapaq parlayanqëkita yarpë y këkunaman pensë:
“¿Imanirtan Bibliapita yachakunan?”.
“Bibliapita yachakurqa, ¿imanötan kanan y shamoq tiempuchöpis kawakunqa?”.
5. Yanapanampaq kaqpita parlapë. Manaraq tiempu pasaptin, imakunata yachakunampaq kaqta y Bibliapita yachakunqan imanö yanapanampaq kaqta shumaq rikäratsi.