• “Wanushqa këkarpis, parlëkan[ran]”
    Pëkunapita yachakushun

    • 5. ¿Imapaqtaq Jesus parlëkarqan ‘mundu qallanqantawan’ Abelta igualatsirnin? (Jina päginapa ura kuchunchö willakïtapis rikäri.)

      5 Nuna Patsachö kawar qallayanqan witsanmi Abelqa yurikurqan. Atska pachak watakuna pasariptinnam Jesus nirqan Abelqa “mundu qallanqan” witsanchö kawanqanta (leyi Lücas 11:50, 51, NM). Mundu nirqa, Jesusqa parlëkarqan jutsankunapita yawarninwan salvakïta puëdeq nunakunapaqmi. Punta kaq nunakunapita chusku kaq nuna Abel kashqa kaptimpis, itsa pëtachi jutsapita salvanampaq puntata alli nunatanö Dios rikarqan.a Mana alli nunakunapa chowpinchö Abel winanqanqa clärum këkan.

  • “Wanushqa këkarpis, parlëkan[ran]”
    Pëkunapita yachakushun

    • a Griëgu idiömachö “qallanqan” neq palabraqa, muru maqtsimanmi pensatsikun, jina wamrayoq këtawanmi igualatsin. Tsëmi “mundu qallanqan” neq palabraqa, Adan y Ëvapa punta kaq wamrankunapaq parlëkan. Punta kaq wamrankuna Cain këkaptinqa, ¿imanirtaq Jesus igualatsirqantsu ‘mundu qallanqanta’ pëtawan, sinöqa Abeltawan? Tsëtaqa rurarqan Cain akranqankuna y ruranqankuna Jehoväpa contran kanqanta rikätsikuptinmi. Tsëmi cläru rikätsikun Cain y teytankunapis mana kawariyämunampaq kaqta y salvacionta mana tariyänampaq kaqta.