Teytakuna, wamrëkikunata tukïnöpa yanapayë

Wamrankuna Diospa sirweqnin kayänantam llapan cristiänu kaq teytakunaqa munëkuyan. Pishi kayanqampita Bibliapita yachatsiyänampaq kallpachakurqa, Jehoväpa sirweqnin kayänampaqmi yanapëta puëdiyanqa (Dt 6:7; Pr 22:6). Wamrakunata yanapëqa manam fäciltsu, peru teytakuna kallpachakuyanqanqa allipaqmi kanqa (3Jn 4).

Teyta kaqkunaqa Josëpita y Marïapitam yachakuyanman. Pëkunaqa alläpa karu këkaptin y qellëta gastakuyänan këkaptimpis, “Pascua fiestaman[mi] cada wata Jerusalenta ëwaräyaq” (Lü 2:41). Josëpaq y Marïapaqqa, familianta Diospita yachatsim masqa precisarqan. Tsënöllam kanan witsampis teytakunaqa wamrankunata parlakïninkunawan y rurëninkunawan tukïnöpa yanapëta puëdiyan (Sl 127:3-5).

LLAPAN PUËDIYANQANMANNÖMI JEHOVÄTA SIRWIYARQAN NEQ VIDËUTA RIKÄRIR, KË TAPUKÏKUNATA CONTESTARIYË:

• ¿Imanötaq Jonwan Shäronqa wamrankunata wätëkarnimpis, Diospa kaq rurëkunata puntaman churayarqan?

• ¿Imanirtaq teytakunaqa wamrankunata imanö portakuyanqanmannö cada ünuta yanapayanman?

• ¿Imanötaq teytakunaqa wamrankunata yanapayanman imëkapa pasarpis Jehoväta mana jaqipa sirwiyänampaq?

• Jehoväpa markan qomanqantsikkunapitaqa, ¿mëqan yanapakïtataq utilizanki Jehoväwan wamrëkikuna mas amïgu kayänampaq yanaparnin?