• ¿Imatataq Jesuspa juk wawqimpita yachakuntsik?
    Täpakoq (Yachakunapaq)—2022 | Enëru

    • SANTIÄGUNÖ HUMILDI KASHUN

      Jesus kawariramur parlapëkaptinmi, carpinterïachö Santiägu trabajëkan.

      Kawarirkamur yuripuptinmi, Santiäguqa humildi karqan y Jesuspa qateqninman tikrarirqan. (5 a 7 kaq pärrafukunata rikäri).

      5. ¿Imatataq Santiägu rurarqan kawarirkamur Jesus yuripuptin?

      5 ¿Imëtan Santiäguqa Jesuspa qateqnin këman charqan? Jesusqa kawariramurmi, “Santiäguta yuripurqan, nïkurnam llapan apostolkunata” (1 Cor. 15:7). Tsëpita patsëmi Santiäguqa creikur qallëkurqan. Pëqa Jerusalenchö juk wayipa altusninchömi, santu espïrituta chaskiyänampaq shuyararnin apostolkunawan këkarqan (Hëch.1:13, 14). Tsëpita tiempuwanqa, punta cristiänukunata dirigeqninkunapitam karqan (Hëch. 15:6, 13-22; Gäl. 2:9). Y 62 wata manaraq kaptinmi, Dios yanapaptin, ciëlupaq akrashqa cristiänukunapaq juk cartata qellqarqan. Tsë cartaqa, ciëluchö o Patsachö kawëta shuyaraqkunatapis yanapamantsikmi (Sant. 1:1). Punta cristiänukuna kawayanqan witsan pasakunqankunata willakoq Josëfu nunam nin, mandakoq kaq sacerdöti Anan mandakuptin Santiäguta wanutsiyanqanta. Santiäguqa Jehoväta Patsachö sirwir ushanqanyaqmi alli tsarakurqan.