-
¿Bibliachöqa ima nintaq trabäjupaq y qellëpaq?¡Manana wanurmi kushishqa kawakushun! Bibliapita shumaq yachakunapaq libru
-
-
2 KAQ: Bibliachöqa, ¿ima nintan qellëpaq?
Qellë yanapamänapaq kaqta Bibliachö nirpis, manam nintsu qellëyoq kar-raq kushishqa kanapaq kaqtaqa (Eclesiastes 7:12). Bibliachöqa clärum nin qellëta mana kuyanapaq, sinöqa kapamanqantsikllawan kushishqa kanapaqmi nimantsik (leyi Hebrëus 13:5). Kapamanqantsikllawan kushishqa karqa, manam mas qellëyoq këta munar tsëllaman yarparäkushuntsu, ni manam pipapis jaqan kashuntsu (Proverbius 22:7). Y manam qellërëkur ima pukllatapis pukllashuntsu ni rïcuyëta munar imakunamampis mëtikushuntsu.
-
-
¿Bibliachöqa ima nintaq trabäjupaq y qellëpaq?¡Manana wanurmi kushishqa kawakushun! Bibliapita shumaq yachakunapaq libru
-
-
5 KAQ: Kapamanqantsikkunallawan kushishqa kashun
Mëtsikaq nunakunam atska qellëyoq këta munar imëkata rurayan, peru Bibliachöqa mana tsënö ruranapaqmi nin. Leyiyë 1 Timoteu 6:6-8 ima ninqanta y këpaq parlayë:
Qellëpaq parlar, ¿imatataq Bibliachö consejamantsik?
Qellënintsik wallkalla kaptimpis kushishqa këtaqa puëdintsikmi. VIDEUTA rikäyë y këpaq parlayë:
Videuchö rikanqantsik familiakunaqa, ¿imanirtan kushishqa kayan qellëninkuna mana kaptimpis?
Atska qellëyoq këkar masta munëqa peligrösu kanqantam Jesusqa nirqan. Leyiyë Lücas 12:15-21 ima ninqanta y këpaq parlayë:
Jesus ninqampitaqa, ¿imatataq yachakunki? (Rikäyë 15 kaq versïculuta).
Leyiyë Proverbius 10:22 ima ninqanta y igualatsiyë 1 Timoteu 6:10 ima ninqanwan, y këkunapaq parlayë:
Imatan mas alli kanman, ¿atska qellëyoq kanqantsikku o Jehoväwan amïgu kanqantsikku? ¿Imanir?
¿Imanirtan allitsu kanman qellëllapaq yarparäkunqantsikqa?
-