‘Diospa palabranta mana mantsakushpa willapäki’
1 ¿Penqakunkiku Diospita parlëta escuelacho trabajocho o mëcho këkarpis? ¿Sasaku willapäkunëki mana reqishqëkikunata kastëkikunata, o vecinokunata? ¿Imaraq yanapashunki mëcho këkarpis “Diospita mana mantsakushpa parlanëkipaq”? (Fili. 1:14.)
2 Willapäkita ama haqitsu: ¿Penqakunkimantsuraq defendita kuyashqa amiguïkita o familiekita mana kaqta culpatsayaptin? Kuyashqa Amigontsik Jehová Diostam unëpita kananyaq mana allipa culpatsäyashqa, y noqantsiktam testigonkuna kashqa mandamarqontsik willapäkunapaq (Isa. 43:10-12). Jehová Diosta kuyanqantsikmi yanapämashun, rasun kaqta mana mantsakushpa y mana penqakushpa willapäkunapaq (Hech. 4:26, 29, 31).
3 Yarpë, willapäkïnintsikqa alli noticiapita willapäkimi. Wiyakoqkunaqa atska bendicionkunatam chaskiyanqa. Willapäkïnintsikpa valorninta rikarnenqa y kikintsikllaman o chikimaqnintsikkunallaman mana yarparashqaqa, willapäkushun mana mantsakushpam.
4 Wakinkuna rurayanqanta qatir: Hina wakinkuna Diospita mana mantsakushpa alli willapäkuyanqanta yachakiqa yanapamantsikmi. Enocqa mana penqakushpam willapäkorqan Jehovapa juicionta llapan hutsasapa nunakunata (Judas 14, 15). Noé willapäkorqan mana mantsakushpam, mana wiyakita munaq nunakunata (Mat. 24:37-39). Punta kaq cristianokunapis kayarqan “mana letra reqeq lluta nunallam”, hina tsënö chikikäyaptimpis willapäkuyarqanmi (Hech. 4:13, 18-20). La Atalaya y ¡Despertad! revistakunachömi tarintsik kanan tiempocho cristianokuna imanö nuna mantsëta venciyanqanta y Jehová Diosman feninkuna kaptin mana mantsakushpa willapäkuyanqanta.
5 Valorta tarintsikmi punta kaq Diospa fiel nunankunapita leirnin, imanö sasa kawëta pasayanqampita yachakurnin (1 Rey. 19:2, 3; Mar. 14:66-71). ‘Diosnintsik yanapaptinmi kallpata tariyarqan’ tsëmi mana mantsakushpa pëkuna willapäkuyarqan. Noqantsikpis tsënö rurashwanmi (1 Tes. 2:2).