“Revistakunawan imanö yachatsikunantsikpaq”

Llapan killakunam Diospa Gobiernompita Yachatsikunapaq reunionchö yarqamun revistawan imanö yachatsikunapaq yanapakïkuna. Këchöqa manam llapan revista imapa parlanqanta musyatsikamunampaqtsu, sinöqa imanö yachatsikunapaq tukï yanapakïkunata musyatsikämunampaqmi. Dirigimoqqa qallëkun kushishqa y wallka palabrakunallawanmi. Tsëpitanam, tsëchö këkaqkunata mañan juk o atska yachatsikïkunapita imanö yachatsikuyänampaq kaqta. Tsënöpam llapankuna atento këkäyanqa, y utilizayanampaq kaqtam apuntayanqa. Dirigimoqqa manam mañanmantsu imanö yachatsikunampaq kaqta llapantaraq nimunanta, sinöqa nunakuna wiyayänampaq ima tapukïkunata y ima textokunata utilizayanampaq kaqllatam. Ushanampaqnam, juk demostracionta ruraratsinqa. Tiempollapitana revistata preparakuyäptinqa reunionchömi alli parlakarayämunqa. Llapankuna alli preparakurninqa “nuna mayintam afilaq cuenta yanapanqa” (Prov. 27:17).