• ¿Pitan Jesusqa?
    Diosta wiyakuy mana wanur kawakunëkipaq

    • 7 KAQ YACHAKUNËKIPAQ

      ¿Pitan Jesusqa?

      Jehovämi kë Patsaman Jesusta mandamurqan (1 Juan 4:9).

      Diospa derëcha kaq lädunchömi Jesusqa ciëluchö këkan

      Adanta manaraq kamarmi, Jehoväqa juk puëdeq angelta ciëluchö kamarqan. Kë angelta wiyakunatam Teyta Jehoväqa munan.

      Marïa qeshyaq këkan y tsëpitam yurishqa Jesusta këkätsin

      Kamanqampita tiempu pasariptinmi, Patsachö juk llullu wamranö yurinampaq permitirqan. Marïa jutiyoq shipashmi Belenchö qeshpikurqan. Y tsë wamratam Jesus nir jutin churayarqan (Juan 6:38).

      Jehovä Diospitam Jesusqa yachatsikun

      Patsachö këkarmi Jesusqa Teytan Jehovänö alli y kuyakoq kanqanta rikätsikurqan. Tsëmi nunakunaqa pëman witiyaq. Teyta Diospitapis mana mantsakushpam nunakunata rasumpa kaqta yachatsirqan.

      Allikunata ruraptimpis, Jesustaqa pïmëmi chikiyarqan (1 Pëdru 2:21-24).

      Juk warmi wamratam Jesus kawaritsin y juk nunatam qeshyampita alliyätsin

      Qeshyëkaqkunatapis alliyätsirqan y wanushqakunatapis kawaritsirqanmi.

      Mana alli yachatsikuyanqanta y mana alli portakuyanqanta Jesus niptinmi, dirigeq religiösukunaqa chikiyarqan.

      Jesustam maqayan y wanutsiyan o wañutsiyan

      Dirigeq religiösukunaqa romänu nunakuna Jesusta maqar wanutsiyänantam lograyarqan.

  • ¿Imanirtan Jesus wanurqan?
    Diosta wiyakuy mana wanur kawakunëkipaq

    • 8 KAQ YACHAKUNËKIPAQ

      ¿Imanirtan Jesus wanurqan?

      Noqantsik manana wanur kawakunapaqmi Jesusqa wanurqan (Juan 3:16).

      Jesus pamparanqan sitiutam juk warmikuna rikëkäyan

      Jesus wanunqampita kima o kimsa junaq pasariptinmi, pamparanqanman warmikuna ëwayarqan, peru manam Jesusta tariyarqantsu. Jehovämi kawariratsishqa karqan.

      Jesusmi apostolninkunata yuripun, tsëpitanam ciëluta kutikun

      Tsëpitanam Jesusqa apostolninkunata yuripurqan.

      Manam ëtsayoq ni tulluyoqtsu Jesusqa kawarirqan. Teyta Diosqa angelkunatanö espïritu cuerpuyoqtam kawaritsimurqan. Qateqninkunaqa ciëluman kutikoqtam rikäyarqan. Kananqa alläpa puëdeq espïritum y mananam imëpis wanunqanatsu.

      Teyta Diosqa Jesusta kawariratsirmi Gobiernunchö mandakoq kanampaq churashqa (Daniel 7:13, 14).

      Ciëlupitam Jesusqa Shumaq Patsachö nunakunata gobernëkämun

      Jesusqa wanurqan jutsapita y wanuypita nunakunata salvanampaqmi (Mateu 20:28). Jesus wanunqanrëkurmi manana wanur kawakunapaq Diosqa änimantsik.

      Jehoväqa Jesustam akrashqa Patsachö nunakunata ciëlupita gobernamunampaq. Peru manam japallantsu gobernamunqa. Cientu cuarenta y cuatru mil nunakunam, Diosta wiyakuyanqanrëkur Jesuswan ciëlupita gobernayämunqa. Tsë gobiernuqa Diospa Gobiernunmi (Apocalipsis 14:1-3).

      Tsë Gobiernum kë Patsata juk shumaq huertaman tikratsinqa. Tsëchöqa manam guërrakuna, suwakoqkuna, mallaqë ni waktsa kë kanqanatsu. Nunakunaqa kushishqam kawakuyanqa (Salmus 145:16).