Cada yachakunëkipaq kaqta, ¿imanötan alli yachakunkiman?
Alli yachakunëkipaqqa yanapayäshunëkiran. Kë follëtuta qarashoqnikita niri yachatsishunëkipaq, o jw.org päginaman yëkurir yachatsiyänaqpaq qellqamuy.
KËTA YARPË (1)
Llapan pärrafukunata leyi. Cada nümeru lädunchö këkaq tapukuy (A) y mas yana letrakunawan këkaq palabrakunaqa (B) mas principal kaqta yarpänëkipaqmi yanapashunki. Wakinchöqa Bibliachö ashirir leyinëkipaqmi “leyi” nin.
KËTA YARPË (2)
“Maslla yachakushun” neqpa jawanchö qellqarëkaqqa (C) imata yachakunëkipaq kaqtam musyatsishunki. Cada nümeru lädunchö qellqarëkaq letrakunaqa (D) mas principal kaqta yarpänëkipaqmi yanapashunki. Bibliachö ashir llapanta leyi, tapukunqanta contestë y videukunata rikë (E).
Dibüjukunata y fötukunata rikapë, y lädunchö qellqarëkaqta leyi (F), tsëpitana “Wakin ima niyanqan” (G) neqta leyi y tsënö neqkunata ima ninëkipaq kaqman pensë.
KËTA YARPË (3)
Yachakunqëkita yarpänëkipaqmi cada yachakunëkipaq kaqpa ushananchö “Këtam yachakurqunki” nin, y tsëpitanam “¿Yarpankiku?” nin (H). Cada yachakunëkipaq kaqta usharir imë ushanqëkita qellqë. “Kë rurëta procurë” neqqa (I) maslla yachakur y alliyar sïguinëkipaqmi yanapashunki. “Masta yachakuy” neqchöqa (J) leyir y videukunata rikar masta yachakunëkipaqmi kan.
¿Imanötan Bibliachö ima ninqanta ashinkiman?
Bibliachö ashinëkipaqmi këkan librupa jutin (A), capïtulun (B), y juk o mas versïculukuna (C). Kënö: Juan 17:3 neqqa “Juan libru, capïtulu 17, versïculu 3” ninanmi.