Jehoväqa yamë këta qokoq Diosmi

1. Qammi yamë këta

qolläyämanki Teyta.

Qammanmi mañakayämü,

yanapëkalläyämë.

Kuyashqa Tsurikim

wanur librayämarqan.

Tsënöpam qamta reqiyaq

kuyashqa Dioslläkuna.

2. Jehovä ankupäkoq

karmi cuidayämanki

Palabrëkiwanmi qamqa

yanapalläyämanki.

Dioslläkuna Jehovä,

kallpata qolläyämë

mana allipa pasarnin

tsarakulläyänäpaq.

3. Diosqa kuyakoqmi,

tsëmi pëta sirwirqa

llapantsik juk kastanölla

yamëna kawakuntsik.

Diospa Gobiernunqa

imëyaqpis kawëtam

llapantsikpaq apamunqa,

yamënam kawakushun.