Jehovänö kuyakoq kashun

1. Kuyakïtaqa yachatsimarquntsik

Teytantsik Jehovämi.

Noqantsikrëkur wanullänampaqmi

Tsurintaqa mandamurqan.

Tsëta rurarmi rikätsimarquntsik

llapantsiktapis kuyamanqantsikta.

Pë kuyamashqam noqantsikpis Pënö

kuyakïta yachakurquntsik.

2. Kuyanakurqa kushishqam kawantsik

piwampis mëwampis.

Tsë kuyakïmi yanapëkamäshun

Teytantsikman witinapaq.

Cristiänupura kuyanakurninqa

ofendinakur perdonanakushun.

Kikin Jehovämi yachatsimarquntsik

kuyanakur kawanantsikpaq.

3. Kuyanakurmi juk familianölla

llapantsik kawantsik.

Kuyakïnintsik maslla kanampaqmi

Jehovä Diosqa yanapakun.

Teyta Jehovämi yachatsimarquntsik

cristiänupura kuyanakunapaq.

Tsëta rurarmi Teytantsik Jehovänö

noqantsikpis kuyanakuntsik.