Gracias nir mañakunqantsik

1. Jehová qamllam alabashqa kanki,

Qamllamanmi mañakarayämö

Mañakïnïkuna wiyaptiki.

Kuyakïnikiwan tsapäyämë.

Hutsasapa kayanqä rikakun;

Perdonnikita munalläyämi.

Tsurikim salvëkalläyämarqan.

Yachatsishqa këtam munëkuyä.

2. Kushikutsun akranqëkikuna;

Yachatsinkim wayikichö kaqta.

Yanapayämë reqiyänaqpaq.

Wayikichö kawëtam munayä.

Yanapakïniki kushikïpaq;

Kallpëkiwanmi tsarakïkäyä.

Qamllam salvamaqnïkuna kanki.

Ama haqishuntsu willakïta.

3. Kushikuyämi ruranqëkiwan;

Llapan markachö adorayäshï.

Kuyakïwan Gobiernïki chämun,

Qeshyata wanïta ushakätsir.

Mana allikunatam ushanqa;

Tsëqa, kamashqëki kushikunqam.

Qampaq sinchipa cantayämushaq:

“¡Alabashun Reynintsik Jehoväta!”