Génesis

1 Naypaqpiqa Diosqa cielota, pachata ima ruraran. 21 Chaymi Diosqa kusala atun animalkuna yakupi kawsaqkunata, chaynulla tukuy riqchaq animalkuna yakupi puriqkunata, yakupi miraqkunata ima ruraran. Chaynullapis tukuy riqchaq animalkuna parir puriqkunata ruraran. Chay rurashankunaqa Diospaqqa kusala allin karan. 25 Chaymi Diosqa tukuy riqchaq animalkuna montepi kaqkunata, tukuy riqchaq animalkuna criakunapaq kaqkunata, chaynulla tukuy riqchaq animalkuna aysaĉhakar puriqkunata ima ruraran. Chay rurashankunaqa Diospaqqa kusala allin karan. 26 Chaymantaqa Diosqa niran: “Ruraypaq runakunata nuqanchikta yupay, pay cuidananpaq dejashun yakupi kaq pescadokunata, animalkuna cielopi parir puriqkunata, animalkuna criakunapaq kaqkunata, chaynullapis pay cuidananpaq dejashun entero pachata, tukuy animalkuna kay pachapi aysaĉhakar puriqkunata ima”. 27 Chaymantaqa Diosqami runata ruraq qallariran payta yupay, ullquwan warmitami Diosqa payta yupay ruraran.