¿Imanutaq ayllukuna kushikur kawsanman?

Ayllukuna kushikur kawsanarqa kusalata munanakunmanllapa (Efesios 5:33).

Dyusqa mantakushannu, uk warmiwan uk ullqula kasarayta puytinllapa.

Uk allin runaqa kusalata llakipan kuytan ima warmintaqa.

Chaynullapis warmiqa runanta yanapanman.

Wamrakunapis taytankunata kasunman.

Kasarashakunaqa ama anyanakunmanchu ukwan ukwan pununmanchu ima (Colosenses 3:5, 8-10).

Biblyaqa nin runaqa warminta kusalata munananpaq imanutaq pay kwirpunta munan chaynulla, warmipis runanta kusalata rispitananpaq ima.

Uk runa manaqa uk warmi, kasarayta puytinllapa uklawan. Chaynulla punuyta puytinllapa chay kasarashanlawan.

Biblyaqa ayllukunata yaĉachinmi kushikur kawsananllapapaq.