YAĈHAKUNA 06
¿Imanutaq tukuy imakuna kawsaq qallariran?
Bibliaqa nin: “Qammantami kawsayqa shamun” nir (Salmo 36:9, NWT). ¿Chaypi creyinkichu? Wakin runakuna yarpunllapa kawsayqa chunllaqmanta rikarimuran nir. Paykunaqa ninllapa nipipis ruramashanchikchu, chaynullapis ninllapa yanqalla pachapiqa kanchikllapa nir. Pero Jehová Diosmi vidanchiktaqa qumashanchik, payqa yaĉhan imapaqtaq kay pachapi kanchikllapa nir, ¿manchu?a Bibliaqa intrachimanchik maymantataq shamushanchikllapa nir. Chaykunamanta kaypi mas intrakashunllapa.
1. ¿Pitaq tukuy unaq cielopi kaqkunata, kay pachapi kaqkunata ima ruraran?
Bibliaqa nin: “Naypaqpiqa Dios cielota, pachata ima ruraran” (Génesis 1:1, NWT). Achka mas yaĉhaq runakunaqa ninllapa unay tiempopi tukuy imakuna rikarimuq qallariran nir. Pero, ¿imanutaq Diosqa cielota, pachata ima ruraran? Payqa santo espiritunwan ruraran tukuy imakuna unaq cielopi, kay pachapi ima kaqkunata (Génesis 1:2).
2. ¿Imapaqtaq Diosqa kay pachata ruraran?
Jehová Diosqa “manami pachataqa yanqallachu ruraran […], ashwanmi tukuy runakuna kawsananllapapaq” (Isaías 45:18, NWT). Payqa kay pachanchiktaqa kusa shumaq, kusa nasquy tukuy runakuna tukuy tiempopaq kawsayta puytinanllapapaq ima ruraran, chayrayku kay pachalapi runakunaqa kawsayta puytinllapa (liyiy Isaías 40:28; 42:5 ima). Mas yaĉhaq runakunapis kay pachaqa kusala shumaq ninllapa.
3. ¿Jehová Diosqa runataqa animalitokunata yupaychu ruraran?
Jehová Dios pachata rurarqa tukuy wakin imakunatapis ruraran. Naypaqtaqa pachapiqa achka qirukunata, animalkunata ima ruraran. Chaymantaqa “Diosqami runata ruraq qallariran payta yupay” (liyiy Génesis 1:27, NWT). ¿Imapaqtaq ninchikllapa runataqa payta yupay ruraran nir? Pay yupay yarpunanpaq, llakipakunanpaq, allin imakunata rurayta yarpunanpaq ima rurasha. Paypis ruramaranchik achka rimaykunata yaĉhakuyta puytinapaq, shumaq imakunata rikayta puytinapaq, shumaq cantaqkunata uyapayta puytinapaq ima. Nuqanchikkunala Diosta adorayta puytinchikllapa animalitokuna-shuypaqa mana.
MAS INTRAKASHUNLLAPA
Biblia nin Diosqa tukuy kay pachapi kawsaqkunata ruraran nir, ¿imapaqtaq Biblia nishanta creyiypaq? Runakuna munanakuqta, llakipanakuqta ima rikarqa, ¿imatataq yaĉhachimanchik Diosmantaqa? Kaykunamanta yaĉhakushunllapa.
4. Diosqa allita yarpur tukuy imakunata ruraran
Runakunaqa achka imakunata ruranllapa Dios rurashanta rikar, chayrayku chay runakunata alabanllapa. Pero, ¿pitataq alabaypaqllapa? VIDEOTA rikayllapa, chaymantaqa kaykunamanta parlayllapa:
¿Imakunatataq runakunaqa Dios rurashanta rikar rurashallapa?
Tukuy wasikunatami runakuna allita yarpur ruranllapa, pero, ¿pitaq tukuy imakunata allita yarpur rurasha? Liyiyllapa Hebreos 3:4, chaymantaqa kaykunamanta parlayllapa:
Tukuy Dios rurashankunamantaqa, ¿imakunataq qamtaqa mas gustashun?
¿Imapaqtaq qamqa ninki tukuy imakunata Diosqa allita yarpur ruraran nir?
¿Yaĉhayaraykichu?
jw.org internetpi achka yaĉhakuykunata, videokunata ima tarinki. Maskay: “¿Lo diseñó alguien?”, “Opiniones sobre el origen de la vida” ima.
‘Tukuy wasikunatami mayqan ruratin rurakan. Pero Tayta Diosmi tukuy imatapis rurasha’.
5. Bibliaqa nimanchik tukuy imakunataqa Dios ruran nir
Génesis capítulo 1-pi, Bibliaqa nimanchik imanutaq tukuy imakuna kawsaq qallariran nir. ¿Ciertochu Biblia nishanqa, manaqachu cuento yupay kanqa? VIDEOTA rikayllapa, chaymantaqa kaykunamanta parlayllapa:
Bibliaqa nin Diosqa kay pachata, tukuy pachapi kaqkunata ima 6 diapi ruraran nir, ¿imanutaq kayta intrakaypaq?
Bibliami Génesis capítulo 1-pi imanu Dios tukuy imakunata ruraran nishanqa, ¿chaynuchu kanqa? ¿Imatataq yarpunki?
Liyiyllapa Génesis 1:1, chaymantaqa kaykunamanta parlayllapa:
Mas yaĉhaq runakuna nishanta Biblia nishanwan compararqa, ¿imamantataq cuentata qukanchikllapa?
Achka runakunaqa ninllapa Diosqa pitilata rurar dejatin, chaymanta tukuy wakin imakunaqa paylla rurakar rinanpaq nir. Liyiyllapa Génesis 1:21, 25, 27, chaymantaqa kaykunamanta parlayllapa:
¿Bibliaqa yaĉhachimanchikchu Diosqa pitilata rurar dejatin, chaymanta tukuy wakin imakunaqa payllachu rurakar risha kanqa uk pescadopi, animal ñuñuqkunapi, uk runapi ima? ¿Manaqachu Diosqa paylla tukuy imakunata uklap uklap rurasha kanqa?b
6. Jehová Diosqa runalata tukuy rurashankunamanta mas shumaqta ruraran
Runakunaqa animalitokunawan mana chayllachu kanchik. Liyiyllapa Génesis 1:26, chaymantaqa kaykunamanta parlayllapa:
Diosqa runakunata payta yupay ruraran munanakunanpaq, llakipanakunanpaq ima. ¿Imataq kayqa yaĉhachishun Jehová Diosmanta?
WAKINKUNAQA KAYNU YARPUNLLAPA: “Tukuy imakunata Dios rurasha nin Bibliaqa, pero chayqa uk cuentola”.
¿Imaninkitaq qamqa? ¿Imapaqna?
KAYKUNATA YAĈHAKUSHANCHIK
Jehová Diosqa tukuy imakunata ruraran. Paymanta kawsayqa shamun.
¿Imataq ninkiman?
Tukuy cielopi kaqkunata, pachapi kaqkunata ima, ¿pitaq ruraran?
¿Dioschu pitilata rurar dejatin, chaymanta tukuy wakin imakunaqa paylla rurakar rinanpaq? ¿Manaqachu Diosqa paylla tukuy imakunata uklap uklap rurasha kanqa?
¿Imapaqtaq nuqanchikkuna tukuy Dios rurashankunamanta mas shumaq kanchikllapa?
MAS YAĈHAKUNAYKIPAQ
Tukuy imakunata rikarqa cuentata qukanki Diosqa poderninwan tukuy imata ruraran nir, liyiy:
“¿Qué nos enseña la naturaleza?” (¡Despertad!, septiembre de 2006).
Rikay imanutaq uk taytaqa wamritunta intrachin imanutaq kawsayqa qallariran nir.
¿Bibliaqa yaĉhachimanchikchu Diosqa pitilata rurar dejatin, chaymanta tukuy wakin imakunaqa payllachu rurakar risha kanqa nir? Liyiy:
“¿Creó Dios los distintos tipos de seres vivos mediante la evolución?” (Artículo de jw.org)
Yaĉhakuy imamantataq mas yaĉhaq runakunaqa cuentata qukashallapa imanu kawsayqa qallariran nir yaĉharqa.
El origen de la vida. Cinco cuestiones dignas de análisis (Folleto)
a Yaĉhakuna 25 yaĉhakushun imatataq Diosqa tukuy nuqanchikkunapaq ruranqa nir.
b Biblia, Diosqa uklap uklap tukuy imakunata ruraran nirqa intrachimanchik. Kabal achka imakunata ruraran nir; chayta mas yaĉhaq runakunaqa ukmanta intrakanllapa.