Isaías
13 Tucuida Jatun Mandaj Jehová Diosmi cashna nin: “¡Rricuichi! Ñucada sirvijgunaga micungami, pero cangunaga yarijachinguichimi. ¡Rricuichi! Ñucada sirvijgunaga yacuda ubianajungami, pero cangunaga yacunachinguichimi. ¡Rricuichi! Ñucada sirvijgunaga contentarinajungami, pero cangunaga pinganachinguichimi. 14 ¡Rricuichi! Ñucada catijgunaga shungu ucubi contento gashcamundami caparinajunga, pero cangunaga esperanzada na charishcamundami shungu ucubi faquirishca gashcamunda caparish huacanguichi. 17 Shinaga, ¡rricuichi!, mushuj cielogunada y mushuj allpadami rrurragrini; ñaupabi pasashca cosasgunadaga na yuyarishunllu ni shungumunbish na shamungallu. 21 Huasigunada shayachishmi chaibi causanajunga; uvagunada tarpushmi micunajunga. 22 Cutishujguna causallunga huasigunada na shayachingallu ni cutishujguna micullunga na tarpungagunallu. Ñuca puebloga yura shinami unida causanajunga, y ñuca agllashcagunaga paigunabu trabajomundami disfrutanga. 25 Loboga llullu huahua llamaunmi tandalla micunajunga, leonga huagra shinami jihuada micunga, y culebraga allpa polvodami micunga. Paigunaga nipida na llaquichingallu, ñucabu urcubiga nimada na tucuchingallu, Jehovami nin”.