Lucas
15 Impuestoda cobrajguna, y tucui pecadorgunami Jesús ima nishcada uyangabu paibu muyundibi shayarinajurca. 2 Fariseoguna y escribagunami huashada cashna murmurash parrlanajurca: “Cai jariga pecadorgunada chasquishmi paigunaun micun”. 3 Chaimundami paiga cai ejemploda churarca: 4 ¿Nallu canguna 100 llamagunada charishaga shuj chingajpiga, 99 llamagunada saquish chingashcada taringagama mascangabu rringuichimun? 5 Tarishaga, contento sintirish rrigrabi marcashmi juyan. 6 Y huasibi chayashaga amigogunada y vecinogunada cayashmi cashna nin: “Ñucaun contentarichi, chingashca llamadami tarishcani”. 7 Cashnalladimi, jahua cielobi shuj pecador arrepintirijpiga ashca cushijui tiyanga, porque 99 alligunaga arrepintirinada na ministinllu.