Juan
19 Jipami Pilatoga Jesusda apash castigallunmi mandarca. 2 Chaimi soldadogunaga cashagunada chimbash coronada rrurrash paibu umabi churanajurca, shinalladi yana puca teladami paimun churachinajurca. 3 Paimun mayayashaga: “Judiogunabu rey alli nishca gallun” ninajurca. Ashtaunbish ñahuibi huajtanajurca. 4 Pilatoga cutindi llujshish gentegunamun cashna nirca: “Uyaichi, cai jaribiga nima culpada na tarishcanillu, chaida intindillunmi paidaga caimun apamushcani”. 5 Chaimi Jesusga casha coronaun y yana puca churachishca telaun llujshirca. Y Pilatoga: “Cai jarida rricuichi” nirca. 6 Pero, importante sacedorteguna y soldadoguna paida rricushaga: “Caspibi clavash huañuchi. Caspibi clavash huañuchi” nishmi caparinajurca. Shina nijpimi Pilatoga: “Apaichi y cangunalladi huañuchichi, porque ñucaga paibimi nima culpada na tarishcanillu” nirca. 7 Shina nijpimi judiogunaga cashnami contestanajurca: “Ñucunchiga shuj leyda charinchi, cai ley nishca shinaga huañunami gan, porque pailladimi Diosbu churi gani” nirca. 16 Chai jipami, Pilatoga Jesusda huañuchillun paigunamun entregarca. Y paigunaga apashmi rrinajurca. 17 Jesusga shuj jatun caspida aparish, Calavera nishca pushtumun rrirca, cai pushtuga hebreo idiomabiga Gólgota nisha ninmi. 18 Chaibimi Jesusdaga jatun caspibimi clavanajurca y paibu alli ladobi y lluqui ladogunabish, shuj shuj jarigunada churanajurca y Jesusga paigunabu chaupibimi garca.