Hechos
15 Judeamunda huaquin jariguna shamushmi huauquipanigunamun cashna nish yachachi callarirca: “Moisesmun cushca leybi circuncisionda rrurrallun nishcada na fajtachishaga na salvaringuichillu”. 2 Pero Pablo y Bernabé paigunaunga na de acuerdollu garca, ashca vueltada shinchi rrimanajushca jipami, Pablo, Bernabé y cutishujgunash Jerusalenmun apostolgunaun y ancianogunaun cai temamunda parrlangabu rri callarinajurca. 12 Caida uyashmi illicancha upalla saquirinajurca. Bernabé y Pabloga Taita Diosbu ayudaun milagrogunada y manchanai cosasgunada tucui llajtagunabi rrurrashcadami huillanajurca. 13 Parrlajush tucuchishca jipami, Santiago nirca: “Huauquiguna, uyabaichi. 14 Symeonga Taita Dios tucui llactagunamunda paibu shutida apallunmi shuj puebloda imashina agllashcadami ñucunchimun tucuida parrlashca. 15 Cai shimigunaga profetaguna nishca shinami fajtarishca. Cashnami escribishca gan: 16 ‘Chai jipami Davidbu carpa huasidaga urmashcamunda, cutindi shayachisha. Tucuchishcadami cutindi shayachisha 17 caibi saquirijgunaga, cutishuj llacta gentegunaunmi Jehová Diosda tucui shungun mascana gan, paigunami ñuca shutida apanajunga. Caidaga, tucui cosasgunada rrurraj Jehová Diosmi nishca, 18 caiga punta tiempomunda Dios rrurrasha nishca shimigunami gan’ ninmi . 23 Paigunaga caida escribishmi cachanajurca: “Apostolguna y ancianoguna, Antioquia llactabi huauquipanigunada, Siria y Cilicia llactabi causaj huauquipanigunada: ¡Saludanchi! 24 Ñucunchipuramundadi huauquigunaga yanga parrlogunaun cangunada pantachingabu rrishcada yachai chayashcanchi. 25 Chaimundami tucuiguna parrlash ñucunchipuramunda agllashca jarigunadaga ñucunchi juyashca Bernabé y Pabloun cachashcanchi, 26 paigunaga ñucunchi Señor Jesucristoda sirvingabumi paigunabu alli causaida saquinajushca. 27 Chaimundami, Judas y Silasdami cangunamunga cachanchi, paiguna huillajpi cai mismo nishcada uyai pudillun. 28 Espíritu santo ayudajpimi ñucunchiga canguna llashaj cargada shina ama charillun, cai ministirishcalla yuyaigunada huillallun ayudashca: 29 santogunamun cushcagunamunda, yahurmunda, sipish huañuchishca animalgunada ama micunguichi y huainayanamunda caruyaichi. Tucui caigunada ama rrurrangabu caruyashaga, allimi causanguichi. ¡Alli saludta charinguichi!”. 30 Despidirishca jipami, cai jarigunaga Antioquía llactamun rrinajurca. Chaibimi tucui Jesusda catijgunada tandachish cartada entregarca. 31 Cartada liyinajushmi animarishcamunda contentos sintirinajurca.