Hechos
14 Jerusalenbi gaj apostolguna Samariabi causaj genteguna Taita Diosbu shimida chasquishcada uyashmi, Pedro y Juanda chaimun cachanajurca. 25 Shinalladi Taita Jehová Diosbu shimimunda alli yachachish, predicashca jipami, Jerusalenmun vueltanacujush alli noticiagunada samaritanogunabu ashca pueblogunabi huillanajurca. 26 Jehová Diosbu angelmi Felipeun parrlash, cashna nirca: “Jatari sur ladomun rri, Jerusalenmunda Gaza ñangama uriyai”. (Cai ñanga desiertobimi gan). 27 Chaimi, paiga prepararish rrircalla. Shinaga shuj eunuco etíope rrunaunmi tuparca, chai jariga autoridadta charishmi etiopegunabu reina Candacebu tesoroda cuidaj garca. Paiga Jerusalenmun Diosda adorangabumi rrishca garca, 28 pero ñami vueltamujurca. Paibu carretabi tiyarishmi profeta Isaiasbu libroda caparish liyijurca. 29 Shinaga chai espiritumi Felipeda nirca: “Rri, chai carretamun mayayai”. 30 Felipega chai carretamun rrato mayayashmi profeta Isaiasbu libroda caparish liyijujta uyashmi: “¿Imada liyijushcadaga de verdad intindinguillu?” nish tapurca. 31 Paiga contestarcami: “¿Ñucada pish na yachachijpiga imashinadi intindi pudishari?”. Shinami Felipedaga carretabi paiun tiyarillun mañarca.