Colosences
5 Chaimunda, cai allpabi cangunabu aicha mapa munaigunada saquichi, huainayanada, mapa munaigunada, huainayash juchayanada, na alli munaigunada y charinallabi yuyanada, cai cosasgunaga santogunada adorajuj shinami gan. 8 Pero cununga cai tucui na alligunada saquichi: fiñayanada, coleranada, na alligunada shinalladi yangamunda rrimanada y mapa shimiguna ninada. 9 Ama caishuj chaishuj llullaichillu. Ñaupa causaida tucui na alligunaun huashamun saquish, 10 mushuj causaida churarij shina, Taita Diosmunda alli yachaigunaun mushujyarish pai munashca shina alli causaichi. 12 Shinaga, Taita Dios agllashcaguna gashcamunda, jucha illajguna, juyashcaguna, shungumunda juyaj ganada, bondadoso ganada, humilde ganada, paciencia charinadaga, ropada churarij shina cai cualidadgunada churarichij. 13 Caishuj chaishuj aguantanajush, perdonajguna gaichi, incluso cangunada llaquichijpish. Jehová Diosga cangunadaga siempremi perdonan, cangunash shinalladi rrurraichi. 16 Cristobu yachachishca yuyaigunaga cangunabu shungubi causallun, caishuj chaishuj yachachinajush, salmogunada cantash, Diosda adorangabu rrurrashca canciongunada cantash animarishunchi, cangunabu shungu ucubi Jehová Diosda cantaichi. 20 Huahuaguna, cangunabu taitamamada tucuibi cazuichi, chaida rrurrallunmi Señor Jesusga munan. 23 Canguna imada rrurrashash shungumunda Jehová Diosmun rrurrajushca laya rrurraichi, ama gentegunamun rrurrajushca laya rrurraichillu, 24 porque cangunaga Jehová Diosmundami shuj herencia premioda shina chasquina gashcada yachanguichi. Amobu esclavo gaichi, paiga Cristomi gan.