Génesis

12 Jehová Diosga Abranda nirca: “Canbu paismunda llujshi, canbu familiagunada canbu taitabu huasida saqui. Ñucami mai paismun rrina gashcada rricuchisha. 2 Canmundami shuj jatun llactada rrurrasha, bendiciashmi canbu shutida jatunyachisha y canga shuj bendicionmi tucungui. 3 Ñucaga majinbish canda bendiciajtaga bendiciashami, canda llaquichijtaga llaquichishami, y seguromi cai allpabi causaj tucui familiagunaga canmunda bendiciashca ganga”. 4 Shinaga Abranga Jehová mandashca shina rrurrashmi chaimunda rrirca, y Lotmi paida acompañarca. Abranga 75 huatagunada charishmi Harán llactamunda llujshirca.