2 Corintios
2 Cununmi Taita Diosmun mayayana tiempo gan. Cununmi Taita Dios ñucunchida salvana tiempo gan. 3 Taita Diosda sirvijushcamunda pish ama murmurallun, y ñucunchi rrurrashcagunada rricush ama pantarillunga nima malodaga na rrurranajunchillu. 4 Ñucunchigunami Taita Diosda alli sirvijguna gashcadami rricuchina ganchi. 11 Corintios, ñucunchiga siempremi verdadta parrlashcanchi y ñucunchi juyaidaga shungumundami rricuchishcanchi. 12 Ñucunchi cangunada juyashcada rricuchingabuga jarcaigunada na churashcanchillu, pero canguna ñucunchida juyashcada rricuchingabuga jarcaigunadami churashcanguichi. 13 Chaimundami ñuca huahuagunada shina rrimani, ñucunchi juyaida chasquichi, shinalladi cangunabu juyaida rricuchichi. 14 Na crijgunaunga yugo caspida huatashca shinaga na tandarinallu ganguichi. Porque ¿alli rrurraigunaun y na alli rrurraigunaunga imabidi iguales gan? ¿O funchaun y tutaunga imabidi iguales gan?