Génesis
12 Shinami, Isaacga chai allpabi tarpui callarirca, Jehová Dios paida bendiciashcamundami chai huatabiga 100 veces más cosecharca. 13 Paiga ricomi tucurca, ashtaun charish catishmi, más rico tucurca. 14 Ashca llamagunada, huagragunada y sirvijgunadami charirca. Chaimundami filisteogunaga envidiai callarinajurca. 15 Shinaga, Isaacbu taita Abrahán causajuj funchagunabimi paibu sirvijguna yacu uctuda rrurrashcagunadaga, filisteoguna allpaun tapachinajurca. 16 Chaimundami Abimélec Isaacda cashna nirca: “Ashtaun charij gashcamundami más poderoso tucushcangui, ñucunchimunda caruda rrish causagri”. 17 Isaac chai pueblomunda llujshishmi, Guerar pugru pambabi carpa huasida shayachish causai callarirca. 18 Abrahán huañushca jipami filisteogunaga yacu uctugunada tapanajurca, chaimi Isaac paibu taita Abrahán rrurrashca yacu uctugunada cutindi allarca. Shinami paibu taita shutichishca shinalladi shutichirca. 19 Isaacbu sirvijguna chai pambabi allajushmi, limpio yacu uctuda tarinajurca. 20 Pero Guerarbu michijgunaga, Isaacbu michijgunaunmi rrimanajurca, paigunaga: “¡Yacuga ñucunchibumi gan!” ninajurca. Isaacga paigunaun rrimanajushcamundami chai yacu uctuda Ésec nish shutichirca. 21 Cutindimi cutishuj yacu uctuda allanajurca, chai yacu uctumundashmi rrimanajurca. Chaimundami Sitná nish shutichirca. 22 Isaacga chaimunda rrishmi cutishuj yacu uctuda allarca, pero ña na rrimanajurcallu, chaimi Rehobot nish shutichirca. Paiga: “Jehová ayudashcamundami alli causanchi, ñucunchi mirarish cai llactabi causallunmi saquishca” nircami. 23 Chai jipaga Beer-Seba llactamunmi huichiyarca. 24 Chai tutami Jehová rricurish: “Ñucaga canbu taita Abrahanbu Diosmi gani. Ama manchaillu, ñucami caun gani. Candami bendiciasha y canbu huahuagunadashmi Abrahanmunda ashcada mirachisha” nirca.