¿Familia feliz causallunga imadi ministirin?

BIBLIAGA CAIDAMI NIN

“¡Taita Diosbu Shimida uyish cazujgunami feliz causanga!” (Lucas 11:28, Traducción del Nuevo Mundo, 2019).

CAIDA YACHASHAGA IMASHINADI BENEFICIARINCHI

Cusa huarmiunmi juyanajunga (Efesios 5:28, 29).

Caishuj chaishujmi respetoun causanajunga (Efesios 5:33).

Allimi causashun (Marcos 10:6-9).

¿BIBLIABI NISHCAGUNADAGA CRINALLU GANCHI?

Ari, Bibliami caida huillan:

• Taita Diosmi familiadaga rrurrirca. Bibliaga Taita Diosmi punta jari huarmida cazarachirca, paigunami cusa huarmi tucurca nin (Génesis 2:18-24). Chaimundami tucuiguna shuj familiada charinchi. Taita Diosga familia tiyallunmi munirca. Caida intindinaga importantemi gan.

  Caibi yuyai: mishqui micunada micujushaga ¿nallu micunada yanujta imashina rrurrishcada tapunguimun? Ari, paidami tapunguimun.

  Shinalladimi familia ucubi feliz causasha nishaga, familiada rrurrijtami tapuna ganchi. Paiga Jehová Diosmi gan.

• Diosga ñucunchimunda preocuparinmi. Bibliabi Taita Dios nishcagunada cazunaga allimi, “paiga ñucunchimundami preocuparin” nin (1 Pedro 5:6, 7). Jehová Diosga ñucunchiguna feliz causallunmi munan, chaimundami paibu consejogunaga alli gan (Proverbios 3:5, 6; Isaías 48:17, 18).