Adán y Evami Taita Diosda na cazunajurca

Shuj funcha Eva sapa gajujpimi, culebra paiun parrlash cashna tapurca: “Taita Diosga, ¿ciertollu tucui yuragunamunda fucushca granogunadaga ama micunguichi nirca?”. Evaga cashnami contestarca: “Tucui yuragunamunda fucushca granogunadaga micui pudinchimi, pero shuj yuramundallami na micuna ganchi. Chai yuramunda micushaga huañushunmi”. Culebraga nirca: “Na huañunguichillu. Micushaga, Taita Dios layami tucunguichi”. Chaiga, ¿ciertollu garca? Na. Llullami garca, pero Evaga culebradami crirca. Chai yuramunda fucushca granoda rricush saquirishcamundami ashtaun micunada munanachirca. Pai micushca jipami Adanmun curca. Adán, huañuna gashcada yachashash Taita Diosda na cazushmi chai yuramunda fucushca granodaga micurcalla.

Chai funchalladimi, Jehová Dios Adán y Evaunga parrlarca. Paiguna imamunda na cazushcadami tapurca. Evaga culebradami culparca, y Adanga Evadami culparca. Adán y Eva na cazushcamundami, Jehová Dios paigunadaga jardín de Edenmunda llujchish cacharca. Chaimun vuelta ama yaicullunga, angelgunada y nina japirishca espadadami yaicuna pushtubi cuidallun churarca.

Na culebrallu Evaunga parrlarca. Jehová Dios culebraguna parrlai pudillunga na rrurrarcallu. Evada pantachingabuga shuj malo angelmi culebradaga parrlachirca. Chai na alli angelga Satanás, Diablomi gan. Jehová Diosmi shamuj funchabi, Satanasdaga para siempre tucuchinga. Chashnami Satanasga genteguna malo cosasgunada rrurrallunga ña na engañanga.