¿Imashinadi Bibliada yachana cursomundaga ashtaun beneficiari pudingui?
Bibliamunda narij yachai callarishti, cai informacionda liyi. Jipaga VIDEODA rricui.
PRIMERA PARTE
Cursoda narij callarishti, canlladi leccionbu punta parteda liyi. Numerashca tapuiguna (A) Bibliamunda japishca textogunami yana letraun escribishca gan (B) importante yuyaigunada repasaichi. Bibliamunda huaquin textogunaga “Liyi” nish escribishcami gan.
SEGUNDA PARTE
“Cai temamunda más yachashunchi” nishca seccionmunda punta parrafoga cai leccionbi imada yachanadami explican (C). Numerashca subtitulogunami importante yuyaiguna gashcada rricuchin (D). Canbu yachachiun Bibliabu textogunada liyi, tapuigunada contestai y videogunadash rricui.
VIDEOGUNA. Cai partebimi cada leccionmunda archivos multimedia nishcada taringui. Huaquin videogunaga causaibi ima de verdad pasashcadami rricuchin. Cutishuj videogunaga causaibi ima tucushcada rricuchingabu ejemplogunallami gan.
Imagengunada y chaibi rricurij explicacionmundash parrlai (E), “Huaquingunaga ninmi” nishca partebi tapuigunada imashina contestanada yuyai (F).
TERCERA PARTE
Lecciongunaga “Resumen” y “Repaso” nishcaunmi tucurin (G). Lecciongunada tucuchishca fechada anotai. “Caida rrurrai” nishca partebi tiyaj sugerenciagunaga estudiash catillunmi ayudanga (H). “Ashtaun yachai” nishca partebi huaquin articulogunada y quiquinmun recomendashca videogunadashmi taringui (I).
¿Imashinadi shuj textoda Bibliabi tari pudingui?
Bibliaga 66 librogunadami charin. Ishqui partegunabimi dividishca gan: Escrituras Hebreoarameas nishca parte y Escrituras Griegas Cristianas nishca parte. Huaquin gentegunaga Ñaupa Testamento y Mushuj Testamento nishmi rrijsin.
Cai cursomunda Bibliabu textogunaga caidami charin: librobu shuti (A), jipaga shuj numeroda charin, caiga capitulomi gan (B) chai huasha rricurij numerogunaga versículo o versiculogunadashmi rricuchin (C).
Por ejemplo, Juan 17:3 rricuchinmi “Juan escribishca libro, capítulo 17, y versículo 3-da”.