Juillu tamiami tiyarca: Taita Diosdaga ¿pigunadi uyarca?

Noebu tiempobi gentegunaga malo cosasgunadami rrurrarca (Génesis 6:5).

Adán y Evaga ashca huahuagunadami charirca, chaimundami cai allpabiga genteguna jundarirca. Ashtaunbish, cutishuj angelgunaga Diablobu parte tucush Taita Diosun contrarirca.

Chai malo angelgunaga cai allpabi tiyaj huarmigunaun cazaranada munashmi, cielomunda uriyamush genteguna laya tucurca. Paigunabu huahuagunaga malo, cutishujgunamunda más shinchi, diferentemi garca.

Cai allpaga malo gentegunaunmi jundarca. Bibliaga “genteguna cai allpabi demas malo tucushcada” nin. Shinalladi, siempremi malo yuyaigunabi pensanajurca.

Noé Diosda cazushmi shuj arcada rrurrarca (Génesis 6:13, 14, 18, 19, 22).

Noega alli jarimi garca. Jehová Diosga malo gentegunada juillu tamiaunmi tucuchigrini nish, Noemun huillarca.

Yacubi nadai pudillunga caspiun jatun cajonda rrurrallunmi mandarca. Chaiga Noebu arcami. Chaibi paibu familiada y tucui laya animalgunadash yaicuchina garca.

Noega ashca gentegunamun jatun tamia shamugrin nishmi huillarca, pero na uyanajurcallu. Huaquingunaga asirca, cutishujgunaga demasmi colerarca.

Noé arcada rrurrash tucuchishaga, chai ucubimi animalgunada churarca.