¿Cai mundodaga pidi mandajun?
¿Imadi yuyangui...
... Dios?
... genteguna?
... o Diablo?
BIBLIAGA CAIDAMI NIN
“Cai mundodaga Diablomi mandajun” (1 Juan 5:19, Traducción del Nuevo Mundo, 2019).
“Diosbu Churiga Diablobu rrurrashcagunada tucuchingabumi shamurca” (1 Juan 3:8).
CAIDA YACHASHAGA IMASHINADI BENEFICIARINCHI
Problemaguna imamunda tiyashcadami intindishun (Apocalipsis 12:12).
Shamuj funchagunabi alli causai tiyana gashcada crii pudinchi (1 Juan 2:17).
¿BIBLIABI NISHCAGUNADAGA CRINALLU GANCHI?
Ari, Bibliami caida huillan:
Diosmi Diablobu gobiernoda tucuchinga. Bibliabiga Jehová Diosga Diabloda tucuchisha ninmi. Jipaga “Diablo malo cosasgunada rrurrashcada tucuchishmi” tucuida arreglasha nin (Hebreos 2:14).
Jesucristoga Diosbu agllashca gobernantemi gan. Jesusbu gobiernoga Diablobu gobiernounga na igual ganllu. Taita Diosga Jesusbu gobiernomunda parrlashaga caidami nin: “Humilde y pobre gentegunadami llaquinga [...]. Llaquigunamundami salvanga” (Salmo 72:13, 14).
Diosga na llullai pudinllu. Bibliabiga “Diosga na llullai pudishcadami” nin (Hebreos 6:18). Paiga Diabloda tucuchishami nishca (Juan 12:31). Chimundami Jehová Dios ima nishca fajtachinada crina ganchi (Isaías 55:10, 11).
CAIDA YACHANA MUNANGUILLU
¿Diablo cai mundoda ña na mandajpiga ñucunchi causaiga imashinadi ganga?
Respuestadaga Bibliabimi SALMO 37:10, 11 y APOCALIPSIS 21:3, 4 bi taringui.