LECCIÓN 4

Bibliamunda shuj textoda narij liyish alli parrlash callari

Mateo 22:41-45

RESUMEN: Bibliamunda shuj textoda narij liyishmi, genteguna uyanada munallunga alli parrlash callarina gangui.

Shuj textoda narij liyish, imamunda chai textoda liyina gashcadaga allimi intindina gangui. Bibliada narij liyishmi gentegunamunga imamunda parrlagrijushcada alli intindichina gangui.

Shuj textoda na alli intindishaga cutishuj textogunaun comparashmi alli intindina gangui, shinalladi chai textoda pi escribishcada y chaibi pi parrlajushcadami alli yachachina gangui.
Biblia Taita Diosbu palabra gashcada rricuchi. Taita Diosbi crij gentegunaun parrlashaga, Biblia Taita Diosbu palabra gashcada y chaibi tiyaj consejoguna, imamunda importante gashcadami yachachina gangui.
Bibliamunda shuj textoda uyanada munallunga alli parrlash callari. Liyishca textomunda shuj tapuida rrurrai, shinalladi shuj ejemploda churashca jipa Biblia ayudai pudishcada intindichi o shuj textoun Taita Dios imada yachachisha nishcada rricuchi.

Can parrlagrijushca temamunda o liyigrijushca textomunda genteguna imada ña yachashcadami alli rricuna gangui. Rrijsishca texto gajpish juilada yachachish, shinalladi chai textomunda mushuj yuyaigunada alli intindillun ayudai.