LECCIÓN 13

Yachashcada fajtachi pudillun ayudai

Proverbios 3:21

RESUMEN: Yachachishca tema gentegunada imashina ayudashcada y paigunalladi imashina beneficiari pudishcada rricuchi.

Gentegunabi yuyai. Genteguna can yachachigrijushca temada imamunda uyana gashcada y paigunalladi imashina beneficiari pudina gashcadami alli rricuna gangui.
Can yachachijushca temada uyash practicabi churana gashcadami intindichina gangui. Callarimunda alli yachachijpiga, gentegunaga cai temaga, “ñucadami ayudanga” nishmi yuyanajunga. Yachachijushca consejogunada causaibi imashina fajtachi pudishcadami rricuchina gangui. Claritomi yachachina gangui.

Juyashcada y preocuparishcada rricuchishmi, Biblia cushca consejogunada fajtachillun ayudana gangui. Canda uyajgunadaga na mal sintichinallu gangui, chaibu rrandiga paiguna Jehová Diosda juyash, shinchi feda charish catillunmi ayudana gangui. Yachashcada genteguna fajtachi pudina gashcadami crina gangui.