LECCIÓN 15

Ama manchash convencido parrlai

1 Tesalonicenses 1:5

RESUMEN: Can crishcaguna na llulla gashcada y parrlashca yuyaiguna importante gashcadami rricuchina gangui.

Alli preparari. Yachachigrijushca temadami intindinagama Bibliaun alli estudiana gangui. Yachachijushaga jahualla y ashalla shimigunaunmi intindichina gangui. Can yachachijushca tema gentegunada imashina ayudai pudishcadami yuyana gangui. Alli yachachi pudingabu Jehová Diosbu espíritu santoda mañai.

Estudiashcada yuyaringabumi vozda alzash repasana gangui, shinami alli yachachi pudingui.
Intindirinalla shimigunaun yachachi. Solo escribishcada liyish yachachinabu rrandiga, canbu propio shimiunmi yachachina gangui. Intindirinalla shimigunaun yachachishmi, can crishcada rricuchingui.
Verdadtaga shungumunda yachachi. Uyai pudillunga vozda alzashmi parrlana gangui. Na malo gajpiga, gentegunabu ñahuida rricushmi parrlana gangui.

Na manchash convencido parrlanaga, tucuida yachashcada rricuchish, o jatun tucush yachachina gashcadaga na nisha ninllu. Pero na manchash convencido parrlajushaga, juyaiunmi yachachina gangui.