-
¿Imamundadi ashca llaquiguna y malo rrurraiguna tiyan?Para siempre contento alli causi, Bibliamunda yachana curso
-
-
¿Yacharcanguillu?
Satanasga llullagunada nishmi Jehová Diosda juchachirca. Chaida nishaga Jehová Diosbu shutidami mapayachirca, shinalladi Jehová malo gobernante gashcada ningabumi munarca. Pero ñallami Jehová Diosga gentegunabu sufrimientoda tucuchish, paibu shutida limpianga y jatunyachinga. Shinami, Diosga paibu gobiernolla alli gashcada rricuchinga. Jehová Diosbu shutida llullagunamunda limpianami importante gan (Mateo 6:9, 10).
-
-
¿Taita Diosbu Gobiernoga imadadi rrurranga?Para siempre contento alli causi, Bibliamunda yachana curso
-
-
LECCIÓN 33
¿Taita Diosbu Gobiernoga imadadi rrurranga?
Taita Diosbu Gobiernoga ñami mandajun. Ñallami cai allpabi ashca cambiogunada rrurranga. Cai leccionbiga Taita Diosbu Gobierno alli cosasgunada rrurrana gashcada, shinalladi imamunda caida chaparana gashcadami yachashun.
1. ¿Cai allpabi tranquilo alli causai tiyallun, Jehová Diosbu Gobiernoga imadadi rrurranga?
Armagedón guerrabimi, Taita Diosbu Gobiernobi mandaj Jesús cai allpabi malo gentegunada y paibu gobiernogunadabish tucuchinga (Apocalipsis 16:14, 16). Chai tiempobiga, Bibliabi tiyaj cai promesami fajtaringa: “Asha funchaguna jipaga malo gentegunaga ña na tiyangallu” (Salmo 37:10). Jehová Diosbu Gobiernounmi, Jesusga tucui cai allpabi tranquilo alli causai tiyallun ayudanga (Isaías 11:4-da liyi).
2. ¿Jehová Dios cai allpada mandajpi causaiga imashinadi ganga?
Taita Dios mandajujpiga “alli gentegunallami cai allpada chasquinga, chaibimi para siempre causanajunga” (Salmo 37:29). Cai allpabi Jehová Diosda juyaj alli gentegunalla causajushcada yuyai. Caida rricunaga juilami ganga, nipi na ungungallu, tucuigunami para siempre causanajunga.
3. ¿Malo gentegunada tucuchishca jipa Taita Diosbu Gobiernoga imadadi rrurranga?
Cai mundobi tucui malo cosasgunada tucuchishca jipami, Jesusga 1.000 huatagunada mandanga. Chai tiempobimi, Jesús y 144.000 mandajguna gentegunada juchamunda libres saquirillun, shinalladi perfecto causaida charillunbish ayudanga. Chai tiempo tucurishca jipami, cai allpaga shuj juila paraíso tucunga, shinalladi tucui gentegunami Jehová Diosbu mandashcagunada cazush contento para siempre causanajunga. Chai jipami Jesusga chai Gobiernoda paibu Taitamun vueltachinga. Chashnami Jehová Diosbu shuti santificado ganga (Mateo 6:9, 10). Shinami Jehová Dios alli mandaj, y paibu puebloda cuidaj gashcada rricuchinga. Chai jipami Jehová Dios Satanasda, paibu demoniogunada y majinbish paibu contra tucusha nijgunada tucuchinga (Apocalipsis 20:7-10). Diosbu Gobierno cushca bendiciongunaga para siempremi tiyanga.
CAI TEMAMUNDA MÁS YACHASHUNCHI
Bibliabi tiyaj promesagunadaga Taita Diosbu Gobierno shamuj funchagunabi fajtachi pudishcada, shinalladi imamunda caibi confiai pudishcada rricushun.
4. Taita Diosbu Gobiernomi cai allpabi tiyaj gobiernogunada tucuchinga
“Gentegunaga paigunapuralladi llaquichish causangabumi mandajushca” (Eclesiastés 8:9). Jehová Diosbu Gobiernollami cai mundobu llaquigunada tucuchinga.
Daniel 2:44 y 2 Tesalonicenses 1:6-8-da liyish, chaimunda parrlaichi:
¿Jehová y paibu churi Jesús, cai mundobi gobiernogunaun y paigunada apoyajgunaunga imadadi rrurranga?
¿Jehová Dios y Jesusbish na ñahuida rricush alli mandajguna gashcabi confiallunga imadi ayudanga?
5. Jesusllami alli gobernante gan
Jesús Taita Diosbu Gobiernobi Rey gashcamundami cai allpabi causaj gentegunada ayudanga. Jesús gentegunada ayudangabu munaida charishcada, shinalladi Jehová Dios pai poderta cushcada yachangabuga cai VIDEODA rricui.
Jesús cai allpabi rrurrashca cosasgunami Diosbu Gobierno imada rrurrana gashcada rricuchirca. Catij promesagunamundaga, ¿majindadi ashtaun rricunada munangui? Cai promesagunabi tiyaj tucui textogunada liyi.
JESÚS CAI ALLPABIMI...
JESÚS JAHUA CIELOMUNDAMI...
... jatun huairadami calmachirca (Marcos 4:36-41)
... cai allpada genteguna dañashcadami arreglanga (Isaías 35:1, 2)
... milagroda rrurrashmi ashca gentegunamun cararca (Mateo 14:17-21)
... genteguna yarijaimunda sufrillunga na saquingallu (Salmo 72:16)
... ashca gentegunadami sanoyachirca (Lucas 18:35-43)
... tucui genteguna unguiguna illaj causallun bendicianga (Isaías 33:24)
... huaquin gentegunada causachirca (Lucas 8:49-55)
... huañuida para siempre tucuchinga (Apocalipsis 21:3, 4)
6. Jehová Diosbu Gobiernomundami, shamuj funchagunabi alli causashun
Jehová Diosmi callaribi genteguna alli causallun munarca y chai munaidaga paibu Gobiernounmi fajtachinga. Cai allpa shuj paraíso tucujpimi alli gentegunalla para siempre causanajunga. Jehová Dios paibu munaida fajtachingabu, paibu churi Jesusda utilizajushcada yachangabuga cai VIDEODA rricui.
Salmo 145:16-da liyish, chaimunda parrlaichi:
¿Jehová Dios tucui allpabi “causajgunamun amijta caranada” yachashaga imashinadi sintiringui?
HUAQUINGUNAGA NINMI: “Tucuiguna tandalla trabajashmi cai problemagunadaga arreglashun”.
Gobiernoguna na tucuchi pudishca problemagunamunda ¿majingunadadi Jehová Diosbu gobiernoga tucuchinga?
RESUMEN
Diosbu Gobiernoga pai munashcadami fajtachinga. Paraíso allpabimi Jehová Diosda adoraj gentegunalla para siempre causanga.
Repaso
¿Jehová Dios paibu shutida jatunyachingabuga imadadi rrurranga?
¿Taita Diosbu Gobiernomunda Bibliabi tiyaj promesaguna fajtarinadaga imamundadi crinchi?
¿Taita Diosbu promesagunamundaga, majindadi ashtaun fajtarillun munangui?
ASHTAUN YACHAI
Armagedón ima gashcada yachai.
Jesús parrlashca Gran tribulación funchagunabi ima tucunada rricui (Mateo 24:21).
Jehová Diosbu Gobierno ña mandajujpi, ¿familiagunaga imashinadi causanajunga?
“Ashca tapuigunadami charircani” nishca experienciada liyi, chaibi shuj político problemagunabu solucionda tarishcada rricui.
“La Biblia les cambió la vida” (La Atalaya, 1 de enero de 2012)
-