LECCIÓN 54
¿“Alli cazuj, allida yuyash sirvij esclavoga” imadadi rrurran?
Jesusga “congregacionbu umami” gan (Efesios 5:23). Paiga cunun funchagunabiga, “alli cazuj, allida yuyash sirvij esclavodami” cai allpabi paibu catijgunada pushallun utilizan (Mateo 24:45-da liyi). Jesusmi chai “esclavoda” agllarca, chaimundami paigunaga autoridadta charin. Shina gashash, paigunaga Jesusda y Jesusbu catijgunadami sirvin, ¿pidi chai esclavo gan? Ñucunchidaga, ¿imashinadi cuidan?
1. ¿Pidi “alli cazuj, allida yuyash sirvij esclavo” gan?
Jehová Diosga paibu puebloda cuidangabuga huaquin jarigunadami utilizashca (Malaquías 2:7; Hebreos 1:1). Por ejemplo, Jesús huañushca jipaga apostolguna y Jerusalenmunda ancianogunami congregacionda ñaupujmun pushanajurca (Hechos 15:2). Ñaupa funchabi cuidashca shinalladimi cunun funchagunabish Cuerpo Gobernantemunda huauquigunaga alimento espiritualda ñucunchimun cujun, predicaciondash ñaupujmun pushajun. Jesusmi cai responsabilidadtaga paigunamun cushca. Paigunami “alli cazuj, allida yuyash sirvij esclavo” huauquiguna gan (Mateo 24:45 callari parte). Cuerpo Gobernantemunda huauquigunaga espíritu santoun agllashca ungido jarigunami gan, paigunaga jahua cielomun rrishmi, Taita Diosbu Gobiernobi Jesusun cai allpada mandangabu shuyanajun.
2. ¿Alli cazuj, allida yuyash sirvij esclavoga ima laya alimento espiritualda cun?
Jesusga alli cazuj esclavomunmi paibu catijgunamun, espiritual micunada “a tiempo carallun” responsabilidadta curca (Mateo 24:45 tucuri parte). Micunada micushaga shinchi sanosmi causanchi, shinalladi alimento espiritualda o Diosbu Palabrada estudianami Jehová Diosda cazullun y Jesús mingashca trabajodash alli fajtachillunmi ayudan (1 Timoteo 4:6). Cai alimento espiritualdaga tandanajuigunabi, asambleagunabi, publicaciongunabi y Bibliamunda yachallun rrurrashca videogunabimi tarinchi. Caigunaga Jehová Dios ima munashcada intindillun y paiun alli amistadta charillunmi ayudan.
CAI TEMAMUNDA MÁS YACHASHUNCHI
“Alli cazuj, allida yuyash sirvij esclavo”, o Cuerpo Gobernantebu ayudada imamunda ministishcada rricushunchi.
Mundo enterobi testigo de Jehovagunamunga Cuerpo Gobernantemi alimento espiritualda, shinalladi instrucciongunada cush ayudan.
3. Jehová Diosbu puebloga organizadomi gana gan
Jesusga Cuerpo Gobernantemunda huauquigunamunmi testigo de Jehovagunabu rrurraigunada organizallun mingashca. Punta siglobi, Diosda sirvij congregaciongunabish shinalladi organizadosmi garca. VIDEODA rricuichi.
1 Corintios 14:33, 40-da liyish, chaimunda parrlaichi:
Cai textogunabi rricushca shinaga, ¿Jehová Diosga paibu pueblo organizado gallunllu munan? ¿Imamundadi shina yuyangui?
4. Alli cazuj, allida yuyash sirvij esclavomi ñucunchi predicaciondaga organizan
Punta siglobi Diosda sirvijgunabuga, predicanami ashtaun importante garca. Hechos 8:14, 25-da liyish, chaimunda parrlaichi:
Punta siglobiga, ¿pigunadi predicacionda ñaupujmun pusharca?
Apóstol Pedro y Juanga cutishuj apostolguna cushca instrucciongunaunga, ¿imadadi rrurranajurca?
Cuerpo Gobernantemunda huauquigunabuga organizados predicanami ashtaun importante gan. VIDEODA rricui.
Jesusga predicana importante gashcadami yachachirca. Marcos 13:10-da liyish, chaimunda parrlaichi:
Cuerpo Gobernantemunda huauquigunabu predicanaga, ¿imamundadi importante gan?
¿Imamundadi “alli cazuj, allida yuyash sirvij esclavo” cai trabajoda alli organizallun ministinchi?
5. Alli cazuj, allida yuyash sirvij esclavomi ñaupujmun pushan
Cuerpo Gobernantemunda huauquigunaga mundo enterobi Diosda sirvijgunadami ñaupujmun apajun. Instrucciongunada cungabuga, ¿imadadi rrurran? Chaibuga ñaupa tiempobi Cuerpo Gobernantemunda huauquiguna imada rrurrashcada rricui. Hechos 15:1, 2-da liyish, chaimunda parrlaichi:
Punta siglobi Diosda sirvijgunaga, ¿ima problemagunadadi charinajurca?
Cai problemada arreglangabu Pablo, Bernabé y cutishuj cristianogunaga, ¿pigunabu ayudada mascanajurca?
Hechos 15:12-18 y 23-29-da liyish, chaimunda parrlaichi:
Narij ima decisionda agllashti, punta siglobi tiyaj Cuerpo Gobernantega Taita Dios ayudallunga, ¿imadadi rrurranajurca? (Versículo 12, 15 y 28-da rricui).
Hechos 15:30, 31 y 16:4, 5-da liyish, chaimunda parrlaichi:
¿Apostolgunabu funchagunabi cristianogunaga Cuerpo Gobernante cushca instrucciongunada imashinadi chasquirca?
¿Paiguna cazushcamundaga Jehová Diosga imashinadi bendiciarca?
2 Timoteo 3:16 y Santiago 1:5-da liyish, chaimunda parrlaichi:
Cunun tiempogunabi Cuerpo Gobernantemunda huauquigunaga huaquin decisiongunadami agllana gan, Jehová Diosbu ayudada mascangabuga, ¿imadadi rrurranajun?
HUAQUINGUNAGA NINMI: “Cuerpo Gobernanteda cazunaga, gentegunada cazujuj shinami gan”.
Cuerpo Gobernantemunda huauquigunada Jesús pushajushcadaga, ¿imamundadi cringui?
RESUMEN
Jesusga Cuerpo Gobernantemunda huauquigunadami “alli cazuj, allida yuyash sirvijguna” gallun agllashca. Paigunaga mundo enterobi Diosda sirvijgunamunmi alimento espiritual y huaquin instrucciongunada cush catijun.
Repaso
¿“Alli cazuj, allida yuyash sirvij esclavodaga” pidi agllarca?
Cuerpo Gobernantemunda huauquigunaga, ¿imashinadi ñucunchida cuidanajun?
¿Cuerpo Gobernantemunda huauquiguna “alli cazuj, allida yuyash sirvij esclavo” gashcadallu cringui?
ASHTAUN YACHAI
Cuerpo Gobernantemunda huauquiguna paigunabu trabajoda alli fajtachingabu imada rrurrashcada yachai.
“¿Qué es el Cuerpo Gobernante de los Testigos de Jehová?” (Artículo de jw.org)
Diosbu yachachishcaguna cierto gashcada rricungabuga, Cuerpo Gobernantemunda huauquiguna imada rrurrajta rricui.
Jesús mingashca trabajomunda, Cuerpo Gobernante huauquigunaga, ¿imadadi yuyan?
Ñucunchi tandanajuigunabi, asambleagunabi Jehová Dios Cuerpo Gobernante huauquigunada, ¿imashina ayudajushcadadi rricushcangui?