LECCIÓN 45
¿Taita Diosbu Gobiernollada apoyashcadaga imashinadi rricuchishun?
Jesusga paibu discipuloguna “cai mundobi causaj genteguna shina na gashcadami” yachachirca (Juan 15:19). Paigunaga Diosbu Gobiernollada apoyashcamunda o neutrales gashcamundami, politicagunabi ni guerragunabish na participan. Pero neutral ganaga na jahuallallu gan. Chaimundami huaquinbiga ñucunchigunamunda burlarin. Jehová Diosllada juyashcada y neutrales gashcadaga, ¿imashinadi rricuchi pudinchi?
1. ¿Verdadero cristianogunaga cai mundo gobiernogunada respetashcadaga imashinadi rricuchinchi?
Cristianogunaga gobiernogunadami respetanchi. Jesusga: “Cesarmun pagana gashcadaga Cesarmun pagaichi” nircami. Chaida fajtachingabumi: gobiernoguna churashca leygunada cazush impuestogunadash paganchi (Marcos 12:17). Bibliaga, Jehová Dios cai mundobi tucui gobiernoguna tiyallun saquishcadami yachachin (Romanos 13:1). Shinash cai mundobu gobiernoguna mandana autoridadta charijpish, Jehová Diosmi tucuimunda yalli autoridadta charin. Chaimundami Taita Diosbu Gobiernolla cai mundobi tiyaj illita problemagunada tucuchinada crinchi.
2. ¿Cai mundobu rrurraigunabi na tsagrurishcadaga imashinadi rricuchishun?
Jesús shinalladi, ñucunchigunash politicabi na tsagrurinchillu. Gentegunaga Jesús milagrogunada rrurrajta rricushmi rey tucullun munarca, pero paiga na munarcallu (Juan 6:15). ¿Imamunda? Pailladimi cashna nirca: “Ñucabu Gobiernoga cai mundobu parte na ganllu” (Juan 18:36). Jesusda catijgunaga neutrales gashcadami rricuchinchi. Por ejemplo, ñucunchigunaga guerramun na rrinchillu (Miqueas 4:3-da liyi). Escudogunada, banderagunada respetashash, chaigunadaga na adoranchillu (1 Juan 5:21). Ni majin partido politicobu, ni candidatogunabu favor o paigunabu contra na tucunchillu. Shina rrurrashmi Jehová Diosbu Gobiernollada apoyashcada rricuchinchi.
CAI TEMAMUNDA MÁS YACHASHUNCHI
Ñucunchi causaibi huaquin pruebaguna rricurijpi imashina neutrales gana gashcada rricushunchi, shinalladi Jehová Diosda cazush paida imashina contentachi pudishcadashmi rricushun.
3. Verdaderos cristianogunaga neutralesmi ganchi
Jesús y paibu discipulogunash alli ejemplodami saquirca. Romanos 13:1, 5-7 y 1 Pedro 2:13, 14-dash liyi. Jipaga VIDEODA rricush caimunda parrlaichi:
¿Autoridadgunadaga imamundadi respetana ganchi?
¿Paigunada respetashcadaga imashinadi rricuchinchi?
Guerra tiempogunabiga huaquin paisgunaga neutrales ganchi ninmi, pero paigunabu rrurraigunaunmi na neutrales gashcada rricuchin. Shina rrurrashaga ¿de verdad neutrales gashcadallu rricuchin? Juan 17:16-da liyi. Jipaga VIDEODA rricush caimunda parrlaichi:
¿Neutrales ganaga imadadi nisha nin?
Huaquinbiga autoridadgunaga Taita Dios mandashcagunada ama cazullunmi munan. Shina tucujpiga, ¿imadadi rrurrana ganchi? Hechos 5:28, 29-da liyi. Jipaga VIDEODA rricush caimunda parrlaichi:
Gobiernoguna churashca leyguna Jehová Dios mandashcagunaun na de acuerdo gajpiga, ¿majindadi cazuna ganchi?
¿Diosda sirvijgunaga imagunabidi autoridadgunada na cazuna ganchi?
4. Rrurrashcagunaun y yuyashcagunaun neutral gashcada rricuchi
1 Juan 5:21-da liyi. Jipaga VIDEODA rricush caimunda parrlaichi:
¿Ayenge shuti huauquiga imamundadi politicabi na tsagrurirca y banderadash na saludarca?
¿Alli decisionda agllashcadallu yuyangui?
¿Ñucunchiga imagunabidi neutrales gashcada rricuchi pudinchi? VIDEODA rricush caimunda parrlaichi:
¿Juegos mundiales tiyajpiga imashinadi neutrales gashcada rricuchishun?
¿Politicogunabu decisionguna alli o na alli gajpish imashinadi neutrales gashcada rricuchishun?
¿Noticiagunada rricuna o ñucunchi rrijsishcagunabu opiniongunada uyanaga imashinadi ñucunchi neutralidadta afectai pudin?
¿Diosda sirvijga paibu yuyaigunaun, rrurraigunaunga imashinadi neutral gashcada rricuchin?
HUAQUINGUNAGA CASHNAMI TAPUN: “¿Imamundadi banderada na saludangui, ni himno nacionaldash na cantangui?”.
¿Imadadi contestanguimun?
RESUMEN
Diosda sirvijgunaga politicabi na tsagrurinchillu, shinami ñucunchi yuyashcaun, parrlashcaun, rrurrashcaunga neutrales gashcada rricuchinchi.
Repaso
¿Cai allpabi tiyaj gobiernogunada cazushcadaga imashinadi rricuchishun?
¿Imamundadi politicabiga na tsagrurinchi?
¿Ñucunchiga imagunabidi neutrales gashcada rricuchina ganchi?
ASHTAUN YACHAI
¿Neutrales gangabuga ima sacrificiogunadadi rrurrana ganchi?
¿Cai mundoun ama tsagruringabuga familiagunaga imashinadi neutrales gashcada rricuchingabu prepararina gan?
Ashcagunabuga, paigunabu paisda difindinami importante gan, ¿pero chaiga ciertollu gan?
¿Shuj trabajoda agllagrijushaga imashinadi cai mundobu parte na gashcada rricuchinchi?
“Cada uno llevará su propia carga de responsabilidad” (La Atalaya, 15 de marzo de 2006)