LECCIÓN 19
¿Testigo de Jehovagunaga verdadero cristianogunallu gan?
Testigo de Jehovagunaga verdadero cristianoguna gashcadami crinchi. ¿Imamunda? Ñucunchiguna imabi crishcada, ima shuti charishcada, shinalladi ima laya juyaida rricuchishcada yachashunchi.
1. ¿Testigo de Jehovagunaga imabidi crinchi?
Jesusga Taita Diosdaga cashnami nirca: “Canbu palabraga verdadmi gan” (Juan 17:17). Testigo de Jehovagunaga Jesús rrurrashca shinalladimi rrurranchi: ñucunchi crishcagunaga Diosbu Palabrabi nishca shinami gan. Cunun funchagunabi testigo de Jehovaguna imashina tiyai callarishcada rricui. Más o menos 1.870 huatabimi, estudiantes de la Biblia nishca shuj uchilla grupoga Taita Diosbu Palabrada ashtaun alli intindingabu estudiai callarinajurca, incluso iglesiagunabi yachachishcaguna na igual gajpish Biblia ima yachachishcadami crinajurca. Jipaga ima verdadta tarishcadami gentegunamun huillanajurca.a
2. ¿Imamunda testigos de Jehová nishca shutida charinchi?
Jehová Diosga paida adoraj gentegunadaga paibu testigoguna ninmi, ¿imamunda? Paimunda verdadta huillashcamunda (Hebreos 11:4–12:1). Por ejemplo, ñaupa funchagunabiga Diosga paibu pueblomunga cashnami nirca: “Quiquingunaga ñucabu testigogunami ganguichi” (Isaías 43:10-da liyi). Jesusdaga “Alli Testigo” nishmi rrijsin (Apocalipsis 1:5). Chaimundami, huata 1.931-biga testigos de Jehová shutida japircanchi. Chai shutida charishcamundaga contentosmi sintirinchi.
3. ¿Testigo de Jehovagunaga Jesusbu juyaidaga imashinadi rricuchinajun?
Jesusga paibu discipulogunadaga paibu propio familiada shinami juyarca (Marcos 3:35-da liyi). Testigo de Jehovagunaga maimunda gashash shuj familia shinami tandalla ganchi. Chaimundami ñucunchipuraga “huauqui” y “pani” ninchi (Filemón 1, 2). Shinalladi, cai mandashcadashmi cazunchi: “Tucui huauquipanigunada juyaichi” (1 Pedro 2:17). Testigo de Jehovagunaga ashca cosasgunada rrurrashmi juyaidaga rricuchinchi; por ejemplo mundo enterobi ima llaquigunada charij huauquipanigunadami ayudanchi.
CAI TEMAMUNDA MÁS YACHASHUNCHI
Testigo de Jehovagunabu historiamunda yachashunchi, shinalladi imamunda verdaderos cristianoguna gashcada rricushunchi.
Verdadero cristianogunaga Bibliabi imada nishcadami criin y chaidami cutishuj gentegunamun compartin.
4. Ñucunchi crishcagunaga Bibliabi nishca shinami gan
Jehová Diosga Bibliabi nishcagunaga clarito intindirinalla gashcadami nirca. Daniel 12:4-da liyish, chaimunda parrlaichi:
Diosda alli sirvijguna Bibliada estudiajpiga ¿imadi “ashtaun miranga” nirca?
Bibliada estudiaj shuj grupo imashina Diosbu palabrada alli estudiashcada rricui, chai grupobiga Charles Russell jarishmi garca. VIDEODA rricush caimunda parrlaichi:
Videobi rricushca shinaga, ¿Charles Russell y cutishuj Bibliamunda estudiajgunaga imashinadi Diosbu Palabrada alli yachanajurca?
¿Yacharcanguillu?
Huaquinbiga, ñucunchi huaquin crishcagunadami actualizashcanchi. ¿Imamundadi? Porque Taita Diosga paibu Palabradami asha asha intindichin, imashinami intibu luz funchayachin, shinalladimi asha asha intindichish yachachishca (Proverbios 4:18-da liyi). Shinaga, Bibliaga na cambianllu, Bibliabi nishcagunada alli intindishmi ñucunchi crishcagunada actualizanchi.
5. Testigo de Jehovaguna gashcadaga ñucunchi rrurraigunaunmi rricuchinchi
¿Imamundadi testigos de Jehová shutida agllarcanchi? VIDEODA rricush caimunda parrlaichi:
¿Testigos de Jehová shutida charinaga imamundadi alli gan?
Jehová Dios gentegunadaga ¿imabushi paibu testigoguna gallun agllarca? Paimunda ashca llullagunada nijpimi cai gentegunadaga Jehová Diosmunda verdadta huillallun agllashca. Ima llullagunada nishcamunda yachashunchi.
Huaquin religiongunaga Diosda adoranchi nishmi santogunada adorallun yachachin. ¿Pero chaiga ciertollu gan? Levítico 26:1-da liyish, chaimunda parrlaichi:
Cai versiculobi rricushca shinaga, ¿santogunada adoranallu ganchi? ¿Diosga santogunamundaga imadadi yuyan?
Huaquin religiongunaga Jesús y Dios igual gashcadami yachachin. ¿Chaiga ciertollu gan? Juan 20:17-da liyish, chaimunda parrlaichi:
Cai versiculobi rricushca shinaga, ¿Dios y Jesusga igualitollu gan?
Jehová paibu testigogunada paimunda, paibu churimunda, verdadta yachachillun cachashcada yachashaga ¿imashinadi sintiringui?
6. Caishuj chaishujmi juyanajunchi
Biblia cristianogunadaga cuerpobu diferente partegunaunmi comparan. 1 Corintios 12:25, 26-da liyish, chaimunda parrlaichi:
¿Huauquipaniguna sufrijujta rricushaga verdadero cristianogunaga imadadi rrurrana gan?
Canga, ¿imashinadi testigo de Jehovaguna juyaida rricuchijtaga rricushcangui?
Shuj lugarbi testigo de Jehovaguna sufrijpiga, mundo enteromunda huauquipanigunami enseguida ayudan. Imashina gashcada alli rrijsingabuga, cai VIDEODA rricui. Jipaga caimunda parrlaichi:
¿Testigo de Jehovaguna cutishujgunada ayudajta rricushaga, juyaimunda ayudashcadallu yuyangui? ¿Imamunda?
Verdadero cristianogunaga ayudallun ministijgunada ayudashmi juyaida rricuchin.
HUAQUINGUNAGA NINMI: “Testigo de Jehovagunaga recién llujshishca religionmi gan”.
¿Ima horamundadi Jehová Diosga paida adoraj gentegunadaga “testigoguna” ni callarirca?
RESUMEN
Testigo de Jehovagunaga verdadero cristianogunami gan. Mundo enterobi Diosda adoraj shuj familiami ganchi, Bibliabi nishcadami crinchi, chaimundami Jehová Diosmunda verdadta huillanchi.
Repaso
¿Imamundadi testigos de Jehová shutida japircanchi?
¿Imashinadi caishuj chaishuj juyaida rricuchinchi?
¿Testigo de Jehovaguna de verdad alli cristianoguna gashcadallu cringui?
ASHTAUN YACHAI
Ñucunchibu historiamunda ashtaun rrijsi.
Los testigos de Jehová: una historia de fe viva. Parte 1: Salen de la oscuridad (1:00:53)
Panta religionguna llullagunada yachachishcada testigo de Jehovaguna imashina rricuchishcada yachai.
Testigo de Jehovagunamunda quiquin rrurrashca tapuigunabu respuestagunada rricui.
“Preguntas frecuentes sobre los testigos de Jehová” (Sección de jw.org)
Stephen shuti jariga odioda charishcamundami malo cosasgunada rrurrarca. Testigo de Jehovaguna imashina gajta rricush pai cambiashcada yachai.
“Mi vida iba de mal en peor” (La Atalaya, 1 de julio de 2015)
a Ñucunchi principal La Atalaya nishca revistaga 1.879 huatamundami gentegunamun llujshish catishca.