¿Imamundadi testigo de Jehovagunabu tandanajuigunamun rrinaga alli gan?

¿Testigo de Jehovagunabu tandanajuimun pish invitashcallu? Na chaimun rrishca gashaga tal vez manchaidami charingui. Tapurishcanguillari: “¿Testigo de Jehovagunaga paigunabu tandanajuigunabiga imadadi rrurran? ¿Paigunabuga imamundadi importante gan? ¿Ñucash rrinallu gani?” nish. Cai leccionbimi tandanajuimun rrina, Diosmun mayayallun y alli causaida charillun ayudashcada yachangui.

1. ¿Imamundadi tandanajuigunaga importante gan?

Bibliada escribij shuj jariga tandanajuigunamundami cashna nirca: “Jatun tandanajuigunabimi Jehová Diosda alabasha” (Salmo 26:12). Cunun funchagunabish testigo de Jehovagunaga tandanajunchimi, chaimundami contentarinchi. Mundo enterobimi cada semana Taita Diosda adorangabu, cantangabu, tandalla mañangabu tandanajunchi. Shinalladi, huatabiga quimsa vueltami jatun asambleagunabi tandanajunchi.

2. ¿Ñucunchi tandanajuigunabiga imadadi yachajugringui?

Tandanajuigunabiga Diosbu palabradami utilizanchi, chaibimi ima shina nishcadaga clarito explican (Nehemías 8:8-da liyi). Chai tandanajuigunamun rrishaga Jehová Diosmunda, paibu cualidadgunamundashmi ashtaun yachangui. Jehová canda juyashcada yachashaga paibu amigo tucunadami ashtaun munangui. Shinalladi, contento causaida chari pudishcadashmi yachangui (Isaías 48:17, 18).

3. ¿Tandanajuibi rrijsishca amigogunaga candaga imashinadi ayudanga?

Jehová Diosga caida rrurrallunmi mañan: “caishuj chaishuj juyaida rricuchish alli cosasgunada rrurrangabu preocuparishunchi y tandanajunadaga ama saquishunchi” (Hebreos 10:24, 25). Ñucunchi tandanajuigunabiga juyaida charij gentegunada y can shinalladi Taita Diosmunda ashtaun yachanada munaj gentegunadami rrijsingui. Chaibiga Bibliamunda japishca shinchiyachij yuyaigunadami uyangui (Romanos 1:11, 12-da liyi). Shinalladi problemagunada charij solterogunaun, casadogunaunmi parrlai pudingui. Jehová Diosga, can contento causallun munashcamundami tandanajuigunamun rrillun munan.

CAI TEMAMUNDA MÁS YACHASHUNCHI

4. Testigo de Jehovagunabu tandanajuiguna

Ñaupa tiempobiga Jesusda catijgunaga Jehová Diosda adorangabumi tandanajunada yachanajurca (Romanos 16:3-5). Colosenses 3:16-da liyish, chaimunda parrlaichi:

• ¿Jesusda punta catijgunaga imashinadi Jehová Diosdaga adoranajurca?

VIDEO: ¿Ñucunchi tandanajuigunaga imashinadi gan? (2:12)

• ¿Salón del Reinobiga, imashinadi Colosenses 3:16-bi nishcadaga fajtachin?

• Video y dibujobi ñucunchi tandanajuigunamunda rricushaga, ¿imadadi ashtaun munangui?

2 Corintios 9:7-da liyish, chaimunda parrlaichi:

• ¿Testigo de Jehovagunabu tandanajuigunabiga imamundadi cullquida na mañan?

Cai semana tandanajuibi imada yachana gashcadaga canbu yachachiun rricui.

• ¿Chai tandanajuimundaga ima partedadi ashtaun munangui?

¿Yacharcanguillu?

Mundo enterobi ñucunchi tandanajuiguna ima hora, maibi tiyashcadaga  jw.org paginabi mascai pudingui.

1. Ñucunchi tandanajuigunabiga discursogunada, ejemplogunada y videogunadashmi rricuchin. Tucui tandanajuigunami oraciongunaun, cantogunaun callarin y tucurin.

2. Huaquin partegunabiga munashaga, maquida alzashmi comentai pudingui.

3. Tucui laya gentegunami cai tandanajuimun shamui pudin.

4. Testigo de Jehovagunabu tandanajuiguna gratismi gan. Yaicungabuga na paganallu gangui.

5. Tandanajuigunamun rringabuga esforzarinami ganchi

Jesusbu familiabi yuyashunchi. Paigunaga Nazaretbimi causanajurca, Jerusalén templomunmi cada huata rrina yachanajurca, chaimun chayangabuga quimsa funchagunadami urcugunabi purish chayanajurca. Lucas 2:39-42-da liyish, chaimunda parrlaichi:

• ¿Jerusalenmun chayangabu, paiguna esforzarina gashcadallu cringui?

• Quiquinga tandanajuigunamun rringabuga ¿ima jarcaigunadadi vincina gangui?

• ¿Tandanajuigunamun rringabu valishca gashcadallu yuyangui? ¿Imamunda?

• ¿Imamundadi tandanajuigunamun rringabu acostumbrarina ganchi?

RESUMEN

Tandanajuigunamun rrinami Jehová Diosmunda ashtaun yachangabu, y paiun alli amistadta charingabu ayudan. Shinalladi, cutishuj gentegunaunmi Diosda adorai pudinchi.

Repaso

• ¿Jehová Diosga imamundadi tandanajuigunamun rrillun munan?

• ¿Testigo de Jehovagunabu tandanajuigunabiga imadadi yachangui?

• ¿Tandanajuigunaga imashinadi candaga ashtaun ayudanga?

ASHTAUN YACHAI

¿Tandanajuigunamun rrinadaga manchanguillu? Shuj jariga shinami sintirirca, pero jipaga tandanajunada ashtaunmi munarca. Imamunda cambiashcada rricui.

¡Nunca olvidaremos cómo nos saludaron! (4:16)

Shuj jovenga tandanajuigunamun rrinadaga demasmi munarca, shinalladi tandanajuigunamun rringabu ima esfuerzoda rrurrashcada rricui.

Me encantaron las reuniones (4:33)

Cutishuj genteguna tandanajuigunamunda imada yuyashcada liyi.

“¿Por qué estaría bien ir a las reuniones en el Salón del Reino?” (Artículo de jw.org)

Shuj pandillero, testigo de Jehovagunabu tandanajuimun rrishca jipa paibu causaida imashina cambiashcada rricui.

“No iba a ningún lado sin mi arma” (La Atalaya, 1 de julio de 2014)

5. 1.914 huatabimi cai allpabi causaiga cambiai callarirca

VIDEODA rricui.

VIDEO: 1.914 huatabimi cai mundoga cambiai callarirca (1:10)

Jesusga jahua cielobi mandai callarishca jipa, cai allpabi causai imashina gana gashcadami nirca. Lucas 21:9-11-da liyish, chaimunda parrlaichi:

• Cai profeciagunamundaga ¿majinguna fajtarijushcada rricushcangui?

Apóstol Pabloga cai tucuri funchagunabi genteguna imashina gana gashcadami nirca. 2 Timoteo 3:1-5-da liyish, chaimunda parrlaichi:

• Cai textogunabi rricushca shinaga cunun funchagunabi gentegunaga, ¿imashinadi comportarinajun?

6. Jehová Diosbu Gobierno ña mandajushcada yachashcamundami cutishujmun predicana ganchi

Mateo 24:3, 14-da liyish, chaimunda parrlaichi:

• ¿Taita Diosbu Gobierno ña mandajushcadaga imashinadi yachanchi?

• ¿Canbish imashinadi predicacionbi participai pudingui?

Jehová Diosbu Gobiernoga ñami jahua cielobi mandajun y cai allpadabish ñallami mandai callaringa. Hebreos 10:24, 25-da liyish, chaimunda parrlaichi:

• ¿“Diosbu funcha chayamujushcada” yachashaga imadadi rrurrana ganchi?