LECCIÓN 57
¿Jatun juchada rrurrajpiga imadi pasanga?
Jehová Diosda shungumunda juyash paida na llaquichinada munashash, huaquinbiga pantarinchimi. Pero huaquinbiga jatun juchabimi urmai pudinchi (1 Corintios 6:9, 10). Jatun juchabi urmajpish, Jehová Diosga juyashmi catinga; paiga perdonangabu, ayudangabu listomi gan.
1. Jehová Dios perdonallunga, ¿imadadi rrurrana ganchi?
Majinbish Jehová Diosda juyashash jatun juchabi urmajushcada cuenta cushaga, demas llaquimi sintirin. Jehová Diosga ñaupa tiempobiga paibu puebloda cai shimigunada nishmi animarca: “Cangunabu pecadoguna rricunalla puca shina gashash rrasu shina yurajmi saquiringa” (Isaías 1:18). Shungumunda arrepintirijpiga Jehová Diosga tucuidami perdonash cungarin. Shungumunda arrepintirinaga, ¿imadadi nisha nin? Malo cosasgunada rrurrashcamunda shungumunda arrepintirina, chaida rrurranada saquina y Jehová Diosda perdonallun mañana gashcadami nisha nin. Shinaga na alli yuyaimunda, na alli rrurraigunamunda caruyash, Jehová Diosbu mandashcagunada cazungabumi esforzarina ganchi (Isaías 55:6, 7-da liyi).
2. Juchada rrurrajpi Jehová Diosga, ¿imashinadi ancianogunaun ayudan?
Jatun juchada rrurrajmunga, Jehová Diosga cai consejodami cun: “Congregacionmunda ancianogunada cayallun” (Santiago 5:14, 15-da liyi). Ancianogunaga espíritu santoun agllashcagunami gan, paigunaga Jehová Diosda y huauquipanigunadami juyan, chaimundami juchabi urmajta Diosmun vueltallun ayudangabu listos gan (Gálatas 6:1).
Shuj jatun juchabi urmajpi ancianogunaga, ¿imashinadi ayudan? Ishqui o quimsa ancianogunami Bibliamunda textogunada utilizash imabi pantarishcada rricuchinga. Shinalladi alli consejo y animoda cushmi juchabi cutindi ama urmallun ayudanga. Shinabish, huauquipanigunada cuidangabumi ancianogunaga jatun juchada rrurraj na arrepintirijpiga, congregacionmunda anchuchinga.
CAI TEMAMUNDA MÁS YACHASHUNCHI
Jatun juchada rrurrajpi Jehová Diosga ayudangabu listo gashcada intindi.
3. Ñucunchi juchagunada huillanami Diosun alli apallun ayudan
Ima juchada rrurrashash Jehová Diosdami llaquichinchi, chaimundami paimun tucuida huillana ganchi. Salmo 32:1-5-da liyish, chaimunda parrlaichi:
¿Ñucunchi juchagunada pacanabu rrandiga imamundadi Jehová Diosmun tucuida huillana ganchi?
Ñucunchi juchagunada Jehová Diosmun huillash, ancianogunabu ayudada mascashmi tranquilo sintirishun. VIDEODA rricush caimunda parrlaichi:
Ancianogunaga, Canon shuti huauqui Jehová Diosmun cutindi vueltallunga, ¿imashinadi ayudanajurca?
Ancianogunamun tucuida huillanaga importantemi gan, shinami paigunaga ayudai pudinga. Santiago 5:16-da liyish, chaimunda parrlaichi:
¿Ancianogunamun tucuida huillajpiga ayudai pudingallu? ¿Imamunda?
Ancianogunamun imada rrurrashcada tucuida huillash, Jehová Diosbu ayudada chasqui.
4. Jehová Diosmi juchabi urmajgunada juyaida rricuchin
Majinbish jatun juchabi urmash Jehová Diosbu mandashcagunada na cazusha nijpiga, congregacionmundami anchuchishca ganga. Shinaga chai personaunga na amigarinallu ganchi. 1 Corintios 5:6, 11-da liyish, chaimunda parrlaichi:
Levaduraga tucui masadami funguichin, shinalladi juchada rrurraj na arrepintirijpi paiun amigarijpiga, ¿congregacionbiga imadi tucunga? ¿Imamunda?
Jehová Diosbu ejemploda catish, ancianogunaga jatun juchada rrurrashcagunada juyashcada rricuchingabumi congregacionmunda anchuchishcagunada ayudash catin. Chaimunda ashcagunami congregacionmun cutindi vueltamushca, ¿imamunda? Disciplinada chasquina gajpish, na alli rrurrashcada cuenta cullunmi ayudashca (Salmo 141:5).
• Jehová Diosga jatun juchabi urmajgunaunga, ¿imashinadi alli intindij, perdonaj y juyaj gashcada rricuchin?
5. Shungumunda arrepintirijpiga Jehová Diosga perdonanmi
Majinbish arrepintirijpi Jehová Dios imashina sintirishcada yachachingabumi Jesusga shuj ejemploda utilizarca. Lucas 15:1-7-da liyish, chaimunda parrlaichi:
¿Cai ejemploga Jehová Diosmunda imadadi yachachin?
Ezequiel 33:11-da liyish, chaimunda parrlaichi:
Shungumunda arrepentidos gashcada rricuchingabuga, ¿imadadi rrurrana ganchi?
Imashina shuj michij paibu llamagunada juyaiun cuidan, shinalladimi Jehová Diosga paibu sirvijgunada juyaiun cuidan.
HUAQUINGUNAGA NINMI: “Ancianogunaun parrlanadaga manchanimi. Paigunamun ima juchada rrurrashcada huillajpiga, ñucada congregacionmundami anchuchinga”.
¿Majinbish shina yuyajpiga imadadi ninguimun?
RESUMEN
Shuj jatun juchada rrurrashcamunda de verdad arrepintirijpi, ña na chaida rrurrajpiga Jehová Diosga perdonangami.
Repaso
¿Jehová Diosmunga imamundadi tucui ñucunchi juchagunada huillana ganchi?
¿Jehová Dios tucui ñucunchi juchagunada perdonallunga imadadi rrurrana ganchi?
Shuj jatun juchada rrurrashaga, ¿imamundadi ancianoguna ayudallun mañana ganchi?
ASHTAUN YACHAI
Isaías 1:18-bi nishca shina Jehová Dios perdonaj gashcada yachana imashina shuj jarida ayudashcada rricui.
¿Ancianogunaga jatun juchada rrurrajgunadaga, imashinadi ayudan?
Congregacionmunda anchuchishcaguna na arripintirijpish, ¿imashinadi paigunada juyashcada rricuchish catinchi?
“Cómo se ayuda a los que han sido sacados de la congregación” (La Atalaya, agosto de 2024)
Shuj jarimi Jehová Dios paida cutindi sirvi pudillun ayudashcada cuenta curca “Jehová Diosmun vueltana gashcadami cuenta curcani” nishca temada rricui.
“La Biblia les cambió la vida” (La Atalaya, 1 de abril de 2012)