LECCIÓN 7
Babel ladobimi shuj jatun torreda shayachinajurca
Manchanai tamia tiyashca jipami, Noebu churigunaga ashca huahuagunada charish mirarinajurca. Chashna mirarish catishcamundami, Jehová Dios mandashca shina tucuiguna diferente ladogunabi causangabu rrinajurca.
Pero huaquingunaga Jehová Diosda na cazushmi cashna ninajurca: “Caibi saquirish shuj ciudadta y cielomun chayanagama shuj jatun torreda shayachishunchi, chashnami famosoguna tucushun”.
Genteguna cashna rrurrajushcada Jehová Dios rricushaga na munarcallu, chaimundami paigunadaga jarcarca. ¿Imashina? De repentemi gentegunadaga diferente idiomagunabi parrlachish pantachirca. Chai ciudadtaga Babel shutidami churanajurca, Babel shimiga “pantachina” nisha ninmi. Paigunapura na intindirinajushmi, shayachishca torreda chaibi rrurranada saquish cutishuj ladogunabi causangabu rrinajurca. Cutishuj ladogunamun causangabu rrishash, genteguna malo cosasgunada rrurranadaga na saquinajurcallu. Chai tiempobi, ¿pidi Jehová Diosdaga cazurca? Respuestadaga catij leccionbimi yachashun.
“Jatunyashcagunaga pingaibimi saquiringa, pero humilde gentegunaga valishcami gan” (Lucas 18:14).