Ezequiel

15 Jehová Diosca cutinllatajmi ñucamanca cai shimicunata nirca: 2 “Runapaj churi, ¿uva yurata bosquepi tiyaj yuracunapaj ramahuan, mana cashpaca shujtaj yurahuan chꞌimbapurajpica imataj canyari? 3 ¿Uva yuramanta surcushca shuj caspihuanca ima trabajota rurai tucunchari? Mana cashpaca ¿gentecunaca cosascunata huarcungapaj uva yuramanta shuj ganchota rurai tucunchari? 4 Ricui, chai caspita ninapi churajpica ninaca ishquindij ladomanta callarishpa chaupicamami rupachin. Chashna tucujpica, ¿ima trabajota rurangapaj sirvinchu? 5 Caspi manaraj rupashpaca imapaj mana sirvircachu. ¡Cunan ña rupashpacarin maitataj sirvingayari!” nircami.

6 “Tucuita Mandaj Amito Jehová Diosca cashnami nin: ‘Ima shinami bosque yuracuna chaupipi tiyaj uva yurata yantata shina ninapi shitachun curcani, chashnallatajmi Jerusalenpi causajcunahuanpish rurasha. 7 Ñucaca paicunapaj contrami jatarircani. Paicunaca ninamantami quishpirishcacuna, pero ninaca paicunataca tucuchingami. Paicunata ñuca castigajpimi cancunaca ñuca, Jehová Dios cashcata yachaj chayanguichij’ ninmi”.

8 “‘Paicuna mana cazushcamantami cai allpataca shitashcata saquisha’ ninmi Tucuita Mandaj Amito Jehová Diosca”.