1 Crónicas
2 Israelpaj churicunaca Rubén, Simeón, Leví, Judá, Isacar, Zabulón, 2 Dan, José, Benjamín, Neftalí, Gad, Aserpishmi carca.
3 Judapaj churicunaca Er, Onán, Selapishmi carca. Judaca cai quimsa churicunatami cananeocunapuramanta Suapaj ushushihuan charirca. Shinapish Jehová Diosca Judapaj punta churi Erpaj ruraicunataca mana munarcachu. Chaimantami paitaca huañuchirca. 4 Judaca paipaj nuera Tamarhuanca Pérez, Zérah churicunatami charirca. Judapaj tucui churicunaca pichcami* carca.
5 Perezpaj churicunaca Hezrón, Hamulpishmi carca.
6 Zerahpaj churicunaca Zimrí, Etán, Hemán, Calcol, Darapishmi carca. Pai charishca tucui churicunaca pichcami carca.
7 Carmipaj churica* Acarmi* carca. Tucuchishca cana cosascunata mana tucuchishcamantami Acarca israelitacunapajca llaquicunata apamurca.
8 Etanpaj churica Azariasmi carca.
9 Hezrón charishca churicunaca Jerahmeel, Ram, Kelubaipishmi* carca.
10 Ramca Aminadabpaj yayami carca. Aminadabca Nahsonpaj yayami carca. Paica Judapaj huahua huahuacunata pushajmi carca. 11 Nahsonca Salmapaj yayami carca. Salmaca Boazpaj yayami carca. 12 Boazca Obedpaj yayami carca. Obedca Jesepaj yayami carca. 13 Jeseca Eliabpaj yayami carca. Jesepaj punta churica Eliabmi carca. Puntapaj qꞌuipa churica Abinadabmi carca. Ishquipaj qꞌuipa churica Simeami carca. 14 Quimsapaj qꞌuipa churica Netanelmi carca. Chuscupaj qꞌuipa churica Radaimi carca. 15 Pichcapaj qꞌuipa churica Ozemmi carca. Sujtapaj* qꞌuipa churica Davidmi carca. 16 Paicunapaj panicunaca Zeruyá, Abigailmi carca. Zeruyapaj quimsa churicunaca Abisái, Joab, Asahelmi carca. 17 Abigailca Amasá churitami charirca. Amasapaj yayaca ismaelitacunapuramanta Jetermi carca.
18 Hezronpaj churi Calebca* paipaj huarmi Azubahuanpish, Jeriothuanpish churicunatami charirca. Paipaj churicunaca Jéser, Sobab, Ardonpishmi carca. 19 Azubá huañujpica Calebca Efrat nishca huarmihuanmi cazararca. Paihuanmi Hur nishca churita charirca. 20 Hurca Uripaj yayami carca. Urica Bezalelpaj yayami carca.
21 Chai qꞌuipaca Hezronca Makirpaj ushushihuanmi cazararca. Makirca Galaadpaj yayami carca. Hezronca 60 huatacunata charishpami Makirpaj ushushihuan chayarirca. Chaimi paica Segub shuti huahuata huacharca. 22 Segubca Jairpaj yayami carca. Paimi Galaad allpapica 23 llajtacunata charirca. 23 Chai qꞌuipaca Guesurpi causajcunapish, Siriapi causajcunapish Havot-Jaír llajtata, Quenat llajtata, chai cꞌuchulla pueblocunandijmi quichurcacuna. Tucuica 60 llajtacunami carca. Tucui caicunami Makirpaj huahua huahuacuna carca. Makirca Galaadpaj yayami carca.
24 Caleb-Efratapi Hezrón huañujpimi, paipaj huarmi Abiasca Asjur shuti churita huacharca. Paica Tecoapaj yayami* carca.
25 Hezronpaj punta churi Jerahmeelpaj huahuacunaca caicunami carca. Puntaca Ram, qꞌuipaca Buná, Orén, Ozem, Ahiyapishmi carca. 26 Jerahmeelca shujtaj huarmitami charirca. Cai huarmipaj shutica Atarami carca. Paimi Onampaj mama carca. 27 Jerahmeelpaj punta churi Rampaj huahuacunaca Maaz, Jamín, Équer shuticunami carca. 28 Onampaj churicunaca Samái, Jadapishmi carca. Samaipaj churicunaca Nadab, Abisurpishmi carca. 29 Abisurpaj huarmica Abihail shutimi carca. Abisurca paihuanmi Ahbán, Molid churicunata charirca. 30 Nadabpaj churicunaca Séled, Apaim shuticunami carca. Shinapish Seledca churicunata mana charishpami huañurca. 31 Apaimpaj churica Isimi carca. Isipaj churica Sesanmi carca. Sesanpaj churica Ahlaimi carca. 32 Samaipaj huauqui Jadapaj churicunaca Jéter, Jonatanpishmi carca. Shinapish Jeterca huahuacunata mana charishpami huañurca. 33 Jonatanpaj churicunaca Pélez, Zazami carca. Paicunaca Jerahmeelpaj huahua huahuacunamantami carca.
34 Sesanca churicunata mana charircachu. Paica ushushicunallatami charirca. Shinapish Sesanca Egiptomanta paita sirvij shuj runatami charirca. Paipaj shutica Jarhami carca. 35 Sesanca paita sirvij Jarhamanca paipaj ushushitami paipaj huarmi cachun curca. Jarhanca paihuanmi Atái shuti churita charirca. 36 Ataica Natanpaj yayami carca. Natanca Zabadpaj yayami carca. 37 Zabadca Eflalpaj yayami carca. Eflalca Obedpaj yayami carca. 38 Obedca Jehupaj yayami carca. Jehuca Azariaspaj yayami carca. 39 Azariasca Helezpaj yayami carca. Helezca Eleasapaj yayami carca. 40 Eleasaca Sismaipaj yayami carca. Sismaica Salumpaj yayami carca. 41 Salumca Jecamiaspaj yayami carca. Jecamiasca Elisamapaj yayami carca.
42 Jerahmeelpaj huauqui Calebpaj huahuacunaca caicunami carca. Paipaj punta churica Mesami carca. Mesaca Zifpaj yayami carca. Maresapaj churicunapishmi carca. Maresaca Hebronpaj yayami carca. 43 Hebronpaj churicunaca Coré, Tapúah, Réquem, Sema shuticunami carca. 44 Semaca Rahampaj yayami carca. Rahamca Jorqueampaj yayami carca. Requemca Samaipaj yayami carca. 45 Samaipaj churica Maonmi carca. Maonca Bet-Zurpaj yayami carca. 46 Calebpaj caishuj huarmi* Efaca Harán, Mozá, Gazez churicunatapishmi charirca. Haranca Gazezpaj yayami carca. 47 Jahdaipaj churicunaca Réguem, Jotán, Guesán, Pélet, Efá, Saafpishmi carca. 48 Calebpaj caishuj huarmi Maacahuanca Séber, Tirhaná churicunatami charirca. 49 Qꞌuipamanca Madmanapaj yaya Saaftami charirca. Shinallataj Macbenapaj, Guibeapaj yaya Sevatapishmi charirca. Calebpaj ushushica Acsami carca. 50 Caicunami Calebpaj huahua huahuacunaca carca.
Efratapaj punta churica Hurmi carca. Hurpaj churicunaca caicunami carca. Sobalmi carca. Sobalca Quiryat-Jearimpaj yayami carca. 51 Salmapishmi carca. Salmaca Belenpaj yayami carca. Harefpishmi carca. Harefca Bet-Gaderpaj yayami carca. 52 Quiryat-Jearimpaj yaya Sobalca Haroé shuj churitami charirca. Sobalca chaupi Menuhot runacunapaj ñaupa yayapishmi carca. 53 Quiryat-Jearimpaj familiacunaca itritacunapish, putiecunapish, sumatitacunapish, misraitacunapishmi carca. Paicunamantami zoratitacuna, estaolitacunaca mirarircacuna. 54 Salmapaj churicunaca Belén, netofatitacuna, Atrot-Bet-Joabmi carca. Manahatpi causaj chaupi gentecunapish, Zorapi causaj gentecunapish Salmapaj huahua huahuacunamantami carcacuna. 55 Mandashcacunata quillcaj familiacunamanta Jabezpi causajcunaca tirateocuna, simeateocuna, sucateocunapishmi carca. Paicunami Hammatmanta mirarishca quenitacuna carca. Hammatca Recabpaj familiamanta yayami carca.