1 Crónicas
24 Aaronpaj huahua huahuacunaca cada grupocunapimi organizados carca. Aaronpaj churicunaca Nadab, Abihú, Eleazar, Itamarpishmi carca. 2 Nadabpish, Abihupish paicunapaj yayapaj ñaupami huañurcacuna. Paicunaca churicunata mana charircacunachu. Shinapish Eleazar, Itamarca sacerdotecuna shinami catirca. 3 Davidca Eleazarpaj churicunamanta Sadoc runahuan, Itamarpaj churicunamanta Ahimélec runahuanmi, Aaronpaj huahua huahuacunata trabajota rurachun grupopi organizarcacuna. 4 Eleazarpaj churicunami Itamarpaj churicunata yalli pushajcunata charirca. Chaimi cashna chaupircacuna: Eleazarpaj churicunapajca 16 yayacunapaj familiata pushajcunatami churarca. Cutin Itamarpaj churicunapajca pusaj yayacunapaj familiacunata pushajcunatami churarca.
5 Eleazarpaj churicunamanta, Itamarpaj churicunamantapish Diospajlla chꞌicanyachishca lugarpi pushajcuna, Diosta sirvijcunata pushajcunami carca. Chaimantami paicunaca shuj grupopi cajcunatapish, caishuj grupopi cajcunatapish imata rurana cashcata ricungapaj sortearcacuna. 6 Netanelpaj churi Semayaca levitacunapaj secretariomi carca. Paimi paicunapaj shuticunataca reypaj, mandajcunapaj, sacerdote Sadocpaj, Abiatarpaj churi Ahimelecpaj ñaupajpi registrarca. Shinallataj sacerdotecunapaj, levitacunapaj familiacunata* pushajcunapaj ñaupajpipishmi chashna registrarca. Cashnami yayacunapaj familiacunataca huashan huashan agllarcacuna. Eleazarpajpish shujta, Itamarpajpish shujtami agllarcacuna.
7 Sorteacujpica puntaca Jehoiaribpajmi urmarca, puntapaj qꞌuipaca Jedayapajmi urmarca, 8 ishquipaj qꞌuipaca Harimpajmi urmarca, quimsapaj qꞌuipaca Seorimpajmi urmarca, 9 chuscupaj qꞌuipaca Malkiyapajmi urmarca, pichcapaj qꞌuipaca Mijaminpajmi urmarca, 10 sujtapaj qꞌuipaca Hacozpajmi urmarca, canchispaj qꞌuipaca Abiaspajmi urmarca, 11 pusajpaj qꞌuipaca Jesuapajmi urmarca, iscunpaj qꞌuipaca Secaniaspajmi urmarca, 12 número 11-pica Eliasibpajmi urmarca, número 12-pica Jaquimpajmi urmarca, 13 número 13-pica Hupá runapajmi urmarca, número 14-pica Jesebeabpajmi urmarca, 14 número 15-pica Bilgá runapajmi urmarca, número 16-pica Imerpajmi urmarca, 15 número 17-pica Hezirpajmi urmarca, número 18-pica Hapizez runapajmi urmarca, 16 número 19-pica Petahiaspajmi urmarca, número 20-pica Jehezquel runapajmi urmarca, 17 número 21-pica Jakinpajmi urmarca, número 22-pica Gamulpajmi urmarca, 18 número 23-pica Delayapajmi urmarca, número 24-pica Maaziaspajmi urmarca.
19 Chashnami paicunataca Jehová Diospaj huasipi chꞌican chꞌican ruraicunata rurashpa sirvichun organizarcacuna. Chaitaca ñaupa yaya Aarón mandashca shinami rurarcacuna. Aaronmanca israelitacunapaj Jehová Diosmi chashna rurachun mandashca carca.
20 Levitacunamanta caishuj churicunaca caicunami carca. Amrampaj churicunamantaca Subaelmi carca. Subaelpaj churicunamantaca Jehdeyami carca. 21 Rehabiaspaj churicunamantaca pushaj Isiasmi carca. 22 Izharpaj familiamantaca Selomotmi carca. Selomotpaj churicunamantaca Jahatmi carca. 23 Hebronpaj churicunamantaca pushaj Jerías, puntapaj qꞌuipaca Amarías, ishquipaj qꞌuipaca Jahaziel, quimsapaj qꞌuipaca Jecameammi carca. 24 Uzielpaj churicunamantaca Miqueasmi carca. Miqueaspaj churicunamantaca Samirmi carca. 25 Miqueaspaj huauquica Isiasmi carca. Isiaspaj churicunamantaca Zacariasmi carca.
26 Meraripaj churicunamantaca Mahlí, Musimi carca. Jaaziaspaj churicunamantaca Benomi carca. 27 Meraripaj huahua huahuacunapuramantaca Jaaziasmi carca. Jaaziasca Beno, Soham, Zacur, Ibrí churicunatami charirca. 28 Mahlimantaca Eleazarmi carca. Paica churicunataca mana charircachu. 29 Quispaj churicunamantaca Jerahmeelmi carca. 30 Shinallataj Musipaj churicunamantaca Mahlí, Éder, Jerimotpishmi carca. Tucui caicunami Levipaj churicunamanta yayacunapaj familiacunata pushajcuna carca. 31 Paicunapish Aaronpaj churicuna rurashca shinami sortearcacuna. Paicunaca Aronpaj churicunapaj huauquicunami carca. Chaitaca rey Davidpaj, Sadocpaj, Ahimelecpaj ñaupajpimi sortearcacuna. Shinallataj sacerdotecunapaj, levitacunapaj familiacunata pushajcunapaj ñaupajpipishmi chashna sortearcacuna. Yayapaj familiata pushajmanta punta cajpipish, qꞌuipa cajpipish igualmi tratashcacuna carca.