PARTE 1

Diostaca ¿imashinataj uyanchij?

Bibliata rezajpica Dios ñucanchijhuan parlacuj shinami can 2 Timoteo 3:16

Jahua pachamantami Jehová Diosca Bibliata quillcachun yuyaita curca

Diospaj yuyaicunaca Bibliapimi can. Chai yuyaicunata quillcachunca huaquin cꞌaricunatami agllarca. Bibliapica valishca yuyaicunami tiyan. Chai yuyaicunata yachachunmi Diosca munan.

Diosta yallica ni pi mana yachanchu. Paillami ñucanchijpaj ima alli cashcata yachan. Diosta uyashpaca imatapish allimi rurashun (Proverbios 1:5).

Biliami achca shimicunapi can; Shuj runami paipaj shimipi Bibliata leyicun

Tucui gentecuna Bibliata rezachunmi Diosca munan. Chaimantami Bibliaca achca shimicunapi tiyan.

Diosta uyasha nishpaca Bibliatami rezana, alli intindinapish canchij.

Muyundij Allpapimi tucui laya gentecuna Diosta uyacun Mateo 28:19

Shuj testigo de Jehovami Bibliamanta yachacuj runaman shuj versota leyicun

Bibliata intindichunca Jehovamanta huillajcunami ayudai tucun.

Paicunami tucui Allpapi mana llullashpa Diosmanta yachachin.

Testigo de Jehovacunami tandanacuipi can

Jehovamanta huillajcunapaj tandanacuicunaman rishpaca, Diosmantami ashtahuan yachangui. Paicunaca gratismi yachachin.