Tandanacuicunapimi animota chasquinchij

1. Cai tiempopi causaj gentecunaca

Diospi mana crincunachu.

Cashnapish cushilla causanataca

mana pudishcacunachu.

Jehová Diospaj ñanpi purishpallami

cushilla alli causashun.

Tandanacuicunaman shamushpaca

Diospimi ashtahuan crishun.

Caishuj chaishuj animarinacushpa

cushillami sintirishun.

Tandanacuicunaman shamunata

amataj saquishunchijchu.

2. Ñucanchij ima minishtishcatami

Jehová Diosca alli rijsin.

Chaimi tandanacuipi yachachichun

pushajcunata churashca.

Yaya Diosta ashtahuan sirvichunmi

paicunaca animanga.

Huauqui panicunapish ñucanchijman

cꞌuyaita ricuchingami.

Ñallami huiñai huiñaita causashun.

Ama shaicurishunchijchu.

Tandanacuicunaman shamungapaj

tiempota surcupashunchij.