Alli yachachijcuna tucushunchij: negociocuna tiyaj puestocunapi

Imamantataj caita rurana canchij: Gentecunaca cada punllami achca horascunata trabajancuna. Chaimantami paicunapaj trabajacushca puestoman rishpa Diospaj Mandanamanta huillanaca alli can. Negociocunapi gentecuna siempre cashcamantami chaipi huillanaca sumaj can, achca gentecunahuanmi parlai tucunchij. Negociocunapi trabajaj gentecunaca randijcunami can nishpami alli chasquincuna. Negociocunapi huillana ashtahuan alli cachunca, huillajcunaca alli yuyashpa, limpio, mana maipishcachun churarishca rinachu can (2 Cor. 6:3). Huillanata pushaj ancianomi negociocunapi mashna cutin huillana, pi huillanatapish ricuna can.

Ima shinataj caita rurai tucunchij:

Ashalla shimicunapi parlangapajmi allichirina cangui. Achca tiempota chaipi trabajajhuan parlajpica, shujtaj punlla huillanaman rijpica ña mana uyasha ningachu.
Ashalla trabajo tiyashca horaspimi negociocunapi huillai tucungui, por ejemplo manaraj trabajai callarijpi.
Puntapica trabajachijhuan alli shimicunahuan parlai. Caitami ni tucungui: “Trabajopi caj gentecunatami utcalla visitacunchij, caipimi paicunahuan parlanacunaca ashtahuan jahualla can”. Ashalla minutocunapimi, shuj hojitata, revistacunata o shujtaj publicacionta saquina cangui. Cullquitaca mana mañanachu cangui, paicuna tapujpillami ima cullquihuan cai publicacioncunata rurashcata huillana cangui, cꞌatujcuna cashcata yuyachunca mana munanchijchu.
Trabajachij mana pꞌiñarijpica, shujtaj trabajadorcunahuan utcalla parlangapajmi permisota mañana cangui. Huaquin trabajana puestocunapica, samarina puestomi tiyan, chai puestopi huaquin publicacioncunata saqui tucunichu nishpami tapui tucungui.
Alli ricushpa alli yuyashpa parlai. Por ejemplo, trabajador shuj randijhuan parlacujpi o ocupado cajpica, shuyanami cangui parlanata tucuchingacama, chai qꞌuipami parlashpa callari tucungui.

Cai quillapi caita rurashunchij:

Negociocunapi huillangapaj Familiahuan Diosta Adorana Tutapi ima shina huillanata allichiri.