Bibliamanta parlanata yachachij Escuelapi yachashcata yuyarishunchij
Cai tapuicunaca Bibliamanta parlanata yachachij Escuelapi yachashcata yuyaringapajmi can. Cai huatapi 26 de Octubre semanapimi rurana can
¿2 Reyes 13:18, 19-pi ricuchishca shinaca, imamantataj tucui shunguhuan Diosta servina canchij? [7 de sept., w10-S 15/4 pág. 26 párr. 11.]
¿Jonás runa profeta shina servicujpica Israel llajtataca pitaj mandacurca? ¿2 Reyes 14:23-manta 25-cama rezashca shinaca, Jonaspajca imamantataj profeta canaca sinchi carca? [7 de sept., w09-S 1/1 pág. 25 párr. 4.]
¿Isaiasman Dios huillashca shimicunapi mandaj Acaz mana crishcataca ima shinataj ricuchirca? ¿Ñucanchij causaipi imata ruranata agllagricushpaca imatataj tapurina canchij? (2 Rey. 16:7.) [14 de sept., w13-S 15/11 pág. 17 párr. 5.]
¿Cunan punllacunapi Diosta servijcunata pꞌiñajcunaca ima shinataj Rabsaqué runa shina pandachinata munancuna? ¿Panda yuyaicunapi ama cringapajca imataj ayudanga? (2 Rey. 18:22, 25.) [14 de sept., w10-S 15/7 pág. 13 párrs. 3, 4.]
¿Bibliata rezashpa ashtahuan alli yachangapajca ima shinataj Josiaspaj ejemploca ayudan? (2 Rey. 22:19, 20.) [21 de sept., w00-S 1/3 pág. 30 párr. 2.]
¿Ñaupa punllacunapi ima tucushcata mashcajcunaca, 2 Reyes 25:27-manta 30-cama parlashca ishqui mandajcuna causashcata yachangapajca imatataj tarishcacuna? [28 de sept., w12-S 1/6 pág. 5 párrs. 2, 3.]
¿Jabez runaca ima quimsa cosascunatataj Jehová Diosta mañarca? ¿Ñucanchijpish ima shinataj Diosta mañana canchij? (1 Crón. 4:9, 10.) [5 de oct., w10-S 1/10 pág. 23.]
¿1 Crónicas 5:18-manta 22-cama parlashca shimicunaca, Diablo urmachisha nijpipish ima shinataj cushicushpa Diosta servishpa catingapaj ayudan? [12 de oct., w05-S 1/10 pág. 9 párr. 7.]
¿Diospaj ñaupajpi yahuarca valishca cashcataca ima shinataj Davidca ricuchirca? ¿Ima shinataj paipaj ejemplota catishun? (1 Crón. 11:17-19.) [19 de oct., w12-S 15/11 págs. 6, 7 párrs. 12-14.]
¿Diospaj arcata punta cutin Jerusalenman apacushpaca Davidca ima mandashcatataj mana cazurca? ¿Imatataj caimanta yachacunchij? (1 Crón. 15:13.) [26 de oct., w03-S 1/5 págs. 10, 11 párrs. 11-13.]