Sumaj huillaicuna

Bogotá llajtapi shuj grupo quichua tiyashcatami Colombia llajtamanta sucursalca huillan. Chai grupopica 18 huauqui panicunami quichua shimita yachashpa huillacun. Paicunaca 87 quichuacunamanmi Bibliamanta yachachicun. Shinallataj Cali llajtapica cunanlla callaricuj grupo quichuami tiyan. Chaipica 3 huauqui panicuna quichua shimita yachashpami 11 quichuacunaman Bibliamanta yachachicun. Publicacioncuna paicunapaj shimipi cashcamantami achca quichuacunaca cushicushpa chasquin. Chai huauqui panicunaca jw.org paginami huillangapaj achcata ayudacun ninmi. Quichuacunaca ñucanchij organizacionca tucui llajtacunapi cashcatami ricun. Chaimantami quichua shimipi Diosmanta huillajpica casi tucuicuna uyasha nin. Cai huataca Colombiapica 21 quichuacunami Jesús huañushcata yuyarina tandanacuiman rirca. Chaimantami 21 huauqui panicunaca achcata cushicurcacuna.