Joven, allicunata rurangapaj esforzari

Apóstol Pablo Titoman cartata escribishpaca, canpish, shujtaj jovencunapish “tucuipi allicunata” rurangapaj esforzaringuichij nishpami mandarca (Tit 2:6, 7). Chai qꞌuipapish Diospaj puebloca tucui “allicunata rurangapaj” chuyayachishcami canga nircami (Tit 2:14). Diosmanta huillashpa, yachachishpami ñucanchijpish allicunata ruracushcata ricuchinchij. Joven, ¿precursor regular o auxiliar shina ashtahuan sirvi tucunguichu? (Pr 20:29).

Pero, precursor tucusha nishpaca imalla minishtirishcatami alli ricuna cangui. (Lu 14:28-30). Por ejemplo, ¿precursor cashpaca ima shinataj mantiniringui? ¿Horascunata alli pajtachingapajca imatataj rurangui? Yaya Diosta mañashpa imalla ruranata minishtishcata paiman parlai (Sl 37:5). Cambaj yaya mamahuan o achca huatacunata sirvij shuj precursor huauqui o panihuan parlai. Can munashcataca asha ashami pajtachishpa cati tucungui. Yaya Diosta ashtahuan sirvingapaj esforzarijpica paica achcatami cantaca bendicianga.

JOVENCUNACA JEHOVATAMI JATUNYACHINCUNA NISHCA VIDEOTA RICUSHCA QꞌUIPA CAI TAPUICUNATA CUTICHI:

• Precursor tucungapajca huaquin huauqui panicunaca ¿ima jarcaicunatataj mishana carca? ¿Chaipajca imatataj rurarcacuna?

• Yaya mamacunaca huahuacuna precursor regular tucuchunca ¿ima shinataj ayudai tucuncuna?

• Predicanaman llujshingapaj shuj horariota charinaca ¿imamantataj importante can?

• Congregacionpi huauqui panicunaca precursorcunata animangapaj, ayudangapajca ¿imatataj rurana can?

• Precursorcunaca ¿ima bendicioncunatataj chasquincuna?