JESÚS SHINA CAUSASHUNCHIJ

Jehová Diosca paita sirvijcunatami cuidan

Shuj israelitami paipaj churihuan paicunapaj huasi pungu quinrita yahuarhuan llihuicun

Punta cutin Pascua Fiestata rurai callarishcaca achca importantemi carca. Egiptopi causajcunapaj punta churicuna huañushcata ricushpami faraonca Moisestaca: “Cancunapish, tucui israelcunapish cai llajtapi causaj ñuca runacunapaj chaupimanta llujshishpa cancuna nishca shinallataj cancunata Mandaj Diospajta ruranaman richij” nirca (Éx 12:31). Chashnami Jehová Diosca paita sirvijcunata ayudarca.

Cai tiempopi Jehová Dios paita sirvijcunata ima shina ayudacushcatami estudiai tucunchij. Chashnami Jehová Dios cunancama paita sirvijcunata ñaupajman pushashpa cuidacushcata yachashun. Warwick Museo: “Jehovata sirvijcunamanta yachashunchij” nishca videopica chaitami ricuchicun.

WARWICK MUSEO: “JEHOVATA SIRVIJCUNAMANTA YACHASHUNCHIJ” NISHCA VIDEOTA RICUSHCA QꞌUIPA CAI TAPUICUNATA CUTICHI:

¿Bibliamanta yachacujcunaca 1914 huatapi Diosmanta huillangapajca ima ayudatataj chasquircacuna? ¿Ima resultadotataj charircacuna?
¿1916, 1918 huatacunapica huauqui panicunaca ima jarcaicunatataj charircacuna? ¿Jehová Dios paipaj organizacionta pushacushcataca ima shinataj cuentata curcacuna?
¿Jarcaicuna tiyajpipish huauqui panicunaca ima shinataj Diosta sirvinata mana saquircacuna?
¿Huauqui panicunaca 1935 huatapica imatataj intindircacuna? ¿Chaita intindishpaca imatataj rurarcacuna?
Warwick Betelpi saquirij museota visitashpa o shujtaj sucursalpi museota visitashpaca, ¿ima shinataj Jehová Dios paipaj pueblota pushacushcata, cuidacushcata ricushcangui?