Jehová Dioshuan alli apanacunata valorashunchij

Testigos de Jehovacunapajca Dioshuan alli apanacunami valishca can. Jehová Diosca ñucanchij mañashcacunatami uyan. Shinallataj Jesusmantami Diospajmanca cꞌuchuyai tucunchij (Sl 34:15; Jn 6:44).

¿Yayitu Dioshuan alli apanacunata ama saquingapajca imatataj rurana canchij? Israelitacuna shina mana alli cosascunataca mana ruranachu canchij. Paicunaca Dioshuan ari ninacushca qꞌuipallami shuj curi bizita rurashpa adorarcacuna (Éx 32:7, 8; 1Co 10:7, 11, 14). Yayitu Diosta tucui shunguhuan cꞌuyajpica paica mana alli cosascunamanta caruyachunmi ayudanga (Sl 97:10). Chaimanta cashna nishpa tapurishunchij: “¿Shuj tentación ricurijpica imatataj ruranchij? ¿Ñucanchij rurashcacunahuanca Dioshuan alli apanacushcatachu ricuchinchij?”.

MANA ALLI MUNAICUNA DIOSMANTA CARUYACHICHUNCA AMA SAQUISHUNCHIJ (COL 3:5) NISHCA VIDEOTA RICUI. QꞌUIPACA CAI TAPUICUNATA CONTESTAI:

• ¿Imatapish charij cana munaicunamantaca imamantataj caruyana canchij?

• ¿Mana alli munaicunamanta, shujtaj cosascunata adoranamantaca imamantataj caruyana canchij?

• ¿Huainayanahuan, yanga dioscunata adoranahuanca imapitaj igual can?

• ¿Diospaj organizacionpi ima mingashcata pajtachij huauquica imamantataj paipaj huarmihuan pasanata, paita cuidanataca mana saquina can?